කොවිඩ්-19 සීමා කිරීම් හේතුවෙන් චීනය විසින් වසර දෙකකට වැඩි කාලයක් නේපාලයෙන් අපනයනය කිරීම් තහනම් කර ඇති හෙයින් නේපාලය සහ චීනය අතර වෙළඳ ගණුදෙනු ක්රියාත්මක කිරීම අර්බුදයකට ලක්ව ඇතැයි වාර්තා වේ.
ආර්ථික විශේෂඥයන් පිරිසක් උපුටා දක්වමින් කත්මණ්ඩු පෝස්ට් වාර්තා කර ඇත්තේ චීනය නේපාලයේ නිෂ්පාදිත භාණ්ඩ රැසක් සදහා තීරුබදු සහන ලබාදීමට එකඟ වී ඇති බවයි.
කෙසේවෙතත් වසර දෙකකට වැඩි කාලයක් කොවිඩ් මුවාවෙන් චීනය නේපාලයේ නිෂ්පාදන රට තුළට පැමිණීම අවහිර කර ඇති බව පැවසේ.
නේපාලයෙන් චීනයට කෙරෙන අපනයන මෙලෙස බින්දුවට වැටී ඇති පසුබිමක චීනය නේපාලයේ භාණ්ඩ 8000 කට පමණ ශූන්ය තීරුබදු ප්රතිලාභ ලබා දී ඇති බව සදහන් කිරීම සම්පූර්ණයෙන්ම පලරහිත ක්රියාවක් බව අදාළ ආර්ථික විශේෂඥයන් පෙන්වා දී තිබේ.