චීනයෙන් ලබා ගන්නා ණය හේතුවෙන් නයිජීරියාවට නුදුරු අනාගතයේදී දරැණු විපාකවලට මුහුණදීමට සිදුවනු ඇති බවට අනතුරු ඇගවීමක් සිදුකර තිබේ.
මෙම අනතුරු ඇගවීම සිදුකර ඇත්තේ එරට ආර්ථික විශේෂඥයන්ගෙන් සමන්විත නයිජීරියාවේ ප්රතිසංස්කරණ සදහා වන ආයතනය මගිනි.
එම සංවිධානයට අනුව නයිජීරියාව වෙනත් රටවලින් ලබාගෙන ඇති ද්විපාර්ශවීය ණය ප්රමාණය ඇමරිකානු ඩොලර් බිලියන 4.1 ක් වන අතර ඉන් ඩොලර් බිලියන 3.3ක්ම ලබාගෙන ඇත්තේ චීනයෙනි.
මෙම ණය ප්රමාණවත් ලෙස අවදානම සහ ඵලදායිත්වය පිලිබද පර්යේෂණවලින් තොරව ලබාගෙන ඇති බව එම සංවිධානය පෙන්වා දී තිබේ.
එබැවින් මෙම ණය නයිජීරියාවේ දියුණුවට නොව මතු පරම්පරාවන්ද ණයකරුවන් කරන උගුලක් විය හැකි බවට නයිජීරියාවේ ප්රතිසංස්කරණ ව්යාපාරය අනතුරු අගවා තිබේ.