චීනයේ නැන්ජින් අභ්‍යවකාශ විශ්ව විද්‍යාලයේ රසායනාගාරයක පිපිරීමක් සිදුව තිබේ.
පිපිරීමත් සමග ගින්නක් හටගෙන ඇති අතර එහිදී පුද්ගලයන් දෙදෙනෙකු මියගොස් ඇති බව විදෙස් වාර්තාවල දැක්වේ.
ගින්නට හේතුව මෙතෙක් අනාවරණය වී නැති අතර ඒ පිළිබද පරීක්ෂණ සිදුකරමින් ඇති බව චීන බලධාරීහු සදහන් කරති.
නැන්ජින් විශ්ව විද්‍යාලය චීනයේ අභ්‍යවකාශ සහ රොකට් තාක්ෂණය ඇතුළු තාක්ෂණික අධ්‍යාපනය පිළිබදව ප්‍රමුඛතම විශ්ව විද්‍යාලයක් වන අතර විදෙස් සිසුසිසුවියන් විශාල පිරිසක් ද එහි ඉගෙනුම ලබති.
