ඉන්දියාවෙන් කපු ආනයනය කිරීමට අවසර දෙන්නැයි පකිස්ථානයේ රෙදිපිළි අපනයනකරුවන් එරට රජයෙන් ඉල්ලීමක් කර තිබේ.
ඒ ගංවතුර තත්ත්වය හමුවේ එරට කපු වගා කර තිබූ අක්කර දහස් ගණනක් විනාශ වී ඇති පසුබිමක් තුළයි.
වගා දේශසීමා ප්‍රදේශය හරහා ඉන්දියාවේ සිට පහසුවෙන් කපු ආනයනය කළ හැකි බැවින් ඒ සදහා අවධානය යොමු කරන ලෙස රෙදිපිළි අපනයනකරුවන් රජයෙන් ඉල්ලීමක් කර ඇත.
රෙදිපිළි සදහා ඇනවුම් ඉහළ බැවින් ඉන්දියාවෙන් කපු ආනයනය කිරීම සුදුසුතම පියවර බව ද ඔවුන් රජයට පෙන්වා දෙයි.
කපු වගාවෙන් සියයට 25 ක් පමණ හානියට පත්ව ඇති බැවින් එය රට තුළ අමුද්‍රව්‍ය හිගයක් ඇතිවීමට ද බලපානු ඇතැයි අපනයනකරුවන් පවසයි.
කෙසේවෙතත් රෙදිපිළි අපනයනකරුවන්ගේ ඉල්ලීමට මෙතෙක් ෆෙඩරල් රජයෙන් අවසරයක් හිමිවී නැති බව පැවසේ.
ඉන්දියාවෙන් කපු ගෙන්වනවා වෙනුවට රට තුළ නව බීජ වර්ගයක් හදුන්වා දීම පකිස්තානය රජයේ අපේක්ෂාව වී ඇතැයි ඇතැම් විදෙස් මාධ්‍ය වාර්තා කර ඇත.
