මුව ආවරණ නොපැළදීම ඇතුළු සෞඛ්ය මාර්ගෝපදේශ අනුගමනය නොකරන පුද්ගලයින්ට එරෙහිව නීතිය ක්රියාත්මක කරන බව බස්නාහිර පළාත භාර ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන් මහතා පවසනවා.
අද (23) පැවති කොවිඩ් වෛරසයෙන් ආරක්ෂාවීම සඳහා ජනතාව දැනුවත් කිරීමේ වැඩසටහනකට එක් වෙමින් ජ්යෙෂ්ඨ නියෝජ්ය පොලිස්පතිවරයා මෙම අදහස් පලකළා.
වාහනයක කිහිප දෙනෙක් ගමන් කරන විටත් මුව ආවරණ සහිතව ගමන් කිරීම අත්යාවශ්ය බව මෙහිදී දේශබන්දු තෙන්නකොන් මහතා සදහන් කළා.
මීට පෙර පොලීසියෙන් ක්රියාත්මක කළ කොවිඩ් වසංගතයෙන් ආරක්ෂාවීම සඳහා ජනතාව දැනුවත් කිරීමට අත්පත්රිකා බෙදීමේ වැඩසටහනක් නැවත ආරම්භ කර තිබෙනවා.
ඒ අනුව බස්නාහිර පළාත් ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන් මහාතාගේ උපදෙස් පරිදි බස්නාහිර පළාතේ ස්ථාන රැසකදී එම දැනුවත් කිරීමේ වැඩසටහන අද ක්රියාත්මක කෙරුණා.
මෙහිදී මුව ආවරණ නොමැතිව ගමන් ගන්නා පුද්ගලයින්ට පොලීසිය අවවාද කරන ආකාරය දක්නට ලැබුණා.