ජාත්‍යන්තර පාපන්දු සම්මේලනය ශ්‍රී ලංකාවට පැනවූ තහනම ලෝක පාපන්දු කොංග්‍රසය අද තහවුරු කළා.
ඒ රුවන්ඩාවේ දී පැවැත්වෙන 73 වැනි රැස්වීම අතරතුරදී ගෙන ආ යෝජනාවක් අනුවයි.
එහිදී ශ්‍රී ලංකාවට පැනවූ තහනම අනුමත කරමින් ඡන්ද 197ක් හිමි වුණා.
එම තහනමට විරුද්ධව ලැබුණේ එක් ඡන්දයක් පමණයි.
ඒ අනුව ශ්‍රී ලංකා පාපන්දු සම්මේලනයට ලෝක පාපන්දු කොංග්‍රසයේදී ඡන්දය පාවිච්චි කිරීමේ අවස්ථාව අහිමි වනවා.
ශ්‍රී ලංකාවට අමතරව සිම්බාබ්වේ රාජ්‍යය සඳහා පනවා ඇති තහනමද මෙහිදී ස්ථිර කෙරුණා.
පාපන්දු සම්මේලනයට සිදු කෙරුණු දේශපාලන මැදිහත්වීම් සිදුවීම හේතුවෙන් පසුගිය ජනවාරි 21 වැනිදා සිට ශ්‍රී ලංකාවට තහනමක් පැනවීමට ජගත් පාපන්දු සම්මේලනය තීරණය කළා.
