මේ වන විට ගැටළුකාරී තත්ත්වයට පත්ව තිබෙන සංචරණ සීමා ක්‍රියාත්මක වන ආකාරය පිළිබදව අජිත් රෝහණ මහතාගෙන් News19 විමසීමක් කළා.
ඒ අනුව ඔහු කළ පැහැදිලි කිරීම පහතින්,
• මීට පෙර අද (12) දිනයේ සිට ක්‍රියාත්මක වන බව පැවසූ රාත්‍රි 11 සිට අළුයම 4 දක්වා කාලය තුළ සංචරණ තහනම එසේම මැයි 31 වනදා දක්වා ක්‍රියාත්මකයි. එම කාලය තුළ හැදුනුම්පත් ක්‍රමය හෝ කිසිදු ක්‍රමයකින් සංචරණය සඳහා අවසර හිමිවන්නේ නැහැ. එය අත්‍යාවශ්‍ය සේවා සඳහා අදාළ නොවේ.
• මීට අමතර හෙට (13) රාත්‍රී 11 සිට එළැඹෙන සඳුදා (17) අලුයම 4 වන තුරු දිවයින පුරා සංචරණ සීමා පැනවෙනු ඇති. අදාළ දින කිහිපයෙහි හැදුනුම්පත් ක්‍රමය හෝ කිසිදු ක්‍රමයකින් සංචරණය සඳහා අවසර හිමිවන්නේ නැහැ. එය අත්‍යාවශ්‍ය සේවා සඳහා අදාළ නොවේ.
• එළැඹෙන සඳුදා (17) සිට හැදුනුම්පත් ක්‍රමය ක්‍රියාත්මක වන අතර ඒ අනුව එක් නිවසකින් එක් පුද්ගලයෙකුට පමණක් මැයි 31 වනදා දක්වා නිවසින් බැහැර වීමට අවසර හිමිවනවා.
