ගාසා තීරයට අවශ්ය ආධාර සැපයුම් රැගෙන යෑම සඳහා ඊජිප්තුව හා ගාසා අතර ඇති රෆා පිවිසුම අද (21) විවත කර තිබෙනවා.
ඊජිප්තුවේ සිට රෆා පිවිසුම හරහා ජලය, ආහාර සහ ඖෂධ රැගත් ට්රක් රථ 20ක් සඳහා පමණක් ගාසා තීරයට යෑමට ඊශ්රයාලය එකඟ වී තිබුණා.
මෙම ට්රක් රථ 20 අතුරින් එක් ට්රක් රථයක මිනී පෙට්ටි ප්රවාහනය කර ඇති බව බී.බී.සී ලෝක සේවය වාර්තා කරනවා.
මේ අතර, ආධාර රැගත් මෙම ට්රක් රථ සඳහා රෆා පිවිසුම විවෘත කිරීමෙන් අනතුරුව ඊජිප්තු දේශ සීමාව ආසන්නයේ රැඳී සිටි ජනයා ප්රීති ඝෝෂා කරන අයුරුද ඡායාරූප පෙන්නුම් කරනවා.
කෙසේවෙතත්, එක්සත් ජාතීන්ගේ සංවිධානය අවධාරණය කරන්නේ ගාසා තීරයට ලැබෙන ආධාර යුද තත්වය හේතුවෙන් අවතැන්ව සිටින ජනයාට කිසිසේත්ම ප්රමාණවත් නොවන බවයි.
ගාසා තීරයේ ඇතැම් ස්ථානවල මේ වන විට ජල සැපයුම් සම්පූර්ණයෙන්ම නතර වී ඇති අතර එහි වැසියන්ට අඛණ්ඩව මානූෂීය ආධාර සැපයීමට අවස්ථාව සලසා දිය යුතු බව එම සංවිධානය පෙන්වා දෙනවා.