පල්ලියවත්ත, බත්තලන්ගුන්ඩුව, උච්චමුනේ, කිරි මුන්දලම දූපත්වල ධීවරයින් සිය ඡන්දය භාවිතා කිරීම සඳහා අද (21) උදෑසන කල්පිටිය මොහොත්තුවාරම දුපතේ පිහිටි ජන්ද මධ්‍යස්ථානය වෙත ගොස් තිබෙනවා.
‘ලංකාදීප’ වාර්තා කළේ ඔවුන් ධීවරය යාත්‍රා හා ට්‍රැක්ටර් මඟින් ඡන්දය භාවිත කිරීම සඳහා පැමිණ ඇති බවයි.
මොහොත්තුවාමර දුපතේ පිහිටි ඡන්ද මධ්‍යස්ථානයේ මෙවර ඡන්දදායකයින් 904 ක් ලියාපදිංචි වී සිටින අතර එම පිරිස මෙසේ ඡන්දය ලබා දීම සඳහා පැමිණ තිබුණා.
එලෙස පැමිණ සිටින ධීවරයින් පවසා ඇත්තේ තම ඡන්දය භාවිතා කිරීම ඔවුන්ට රුපියල් 5000 ත් 8000 ත් අතර ඉන්ධන වියදමක් දැරීමට සිදුවන බවයි.
නමුත්, එම වියදම කෙසේ හෝ දරා ගනිමින් තම ඡන්දය භාවිත කිරීමට මහත් වුවමනාවෙන් පැමිණි බව ඡන්ද දායකයින් පවසා තිබෙනවා.
