අධික උණුසුම් තත්ත්වයත් සමග නිරිතදිග චීනයේ මිලියන පහකට අධික ජනතාවක් අඛන්ඩ විදුලි කප්පාදුවලට මුහුණ දෙමින් සිටින බව වාර්තා වේ.
විදුලි සැපයුම අඛණ්ඩව ලබාදීමට නොහැකි තත්ත්වය හේතුවෙන් කර්මාන්තශාලාවල මෙහෙයුම් කටයුතුවලට ද බාධා එල්ල වී තිබේ.
සිචුවාන් පළාත පුරා උෂ්ණත්වය පසුගිය දිනවල සෙල්සියස් අංශක 40 ඉක්මවා ගොස් ඇති අතර, එය වායු සමීකරණ සඳහා ඇති ඉල්ලුම ඉහළ යාමට හේතු විය.
අධික උෂ්ණත්වය සමග ජලාශ සිදී යාම හේතුවෙන් විදුලිය නිෂ්පාදනය කිරීමට නොහැකි මට්ටමක් ඇතිවී තිබේ.
මේ අතර පවතින තත්ත්වය හමුවේ මිලියන 5.4 ක ජනගහනයක් සිටින දාසාහු නගරය වෙත ඊයේ දිනයේදී කඩින් කඩ විදුලි සැපයුමක් ලබාදීමට සිදුවූ බව එහි පිහිටි ප්රාදේශීය බලශක්ති සමාගම සඳහන් කරයි.
සිචුවාන් පළාතේ පිහිටි ටොයෝටා කර්මාන්ත ශාලාවක් ඇතුළු ප්රධාන පෙලේ කර්මාන්ත ශාලා රැසක නිෂ්පාදන කටයුතු මෙම විදුලි කප්පාදුව හේතුවෙන් ඇන හිටීමට ලක්ව ඇති බව ද වාර්තා වේ.