ගුවන් හමුදාවට අයත් මෝටර් රථයක් හා වෑන් රථයක් මාරවිල දී එකිනෙක ගැටී සිදුවූ අනතුරකින් කුඩා දරුවෙක් සහ කාන්තාවක් ඇතුළු පස් දෙනෙකු තුවාල ලබා තිබෙනවා.
අද (11) අලුයම 2.45ට පමණ එම අනතුර සිදුව තිබුණේ මාරවිල ශ්රී කුරුස දේවස්ථානයට ගමන් ගන්නා මාර්ගයේදී.
අතුරු මාර්ගයක සිට ඉතා වේගයෙන් පැමිණ මෝටර් රථය වේගය පාලනය කරගත නොහැකිව වෑන් රථයේ ගැටී එම අනතුර සිදුව ඇති බවයි වාර්තා වන්නේ.
අනතුරින් හලාවත, පම්බල ප්රදේශයේ පදිංචි එකම පවුලේ ඥාතීන් පිරිසක් තුවාල ලබා තිබුණා.
ඔවුන් මඩු දේවස්ථානයට පිටත්වයාමට පෙර මාරවිල ශ්රී කුරුස දේවස්ථානයට පැමිණ අවස්ථාවේදී එම අනතුරට මුහුණ දී තිබෙනවා.
අනතුර සිදුවන අවස්ථාවේදී මෝටර් රථයේ රියදුරු ලෙස සිටි ගුවන් හමුදා නිලධාරියා අධික ලෙස බීමතින් සිට ඇති බව සිදුකළ පරීක්ෂණවලදී අනාවරණය වී ඇති අතර අනතුර සම්බන්ධයෙන් මෝටර් රථයේ රියදුරු අත්අඩංගුවට ගෙන තිබෙන බව පැවසෙනවා.
