අධික වර්ෂාව හේතුවෙන් බ්රිතාන්යයේ අගනුවර මාර්ගයන් මුළුමනින්ම ජලයෙන් යට වීම නිසා ජනතාව දැඩි දුෂ්කරතාවයට පත් වූ බව වාර්තා වේ.
මිනිත්තු 90 ක් වැනි කෙටි කාලයකදී අගනුවරට අඟල් තුනකට ආසන්න වර්ෂාවක් ඇද හැලීමෙන් පසු වීදි රැසක් ජලයෙන් යට විය.
ලෝක ප්රසිද්ධ නොටින්හිල් හි පෝටෝබෙලෝ වීදිය ගංවතුරින් යට වී තිබුණි.
දකුණු ලන්ඩනයේ රේන්ස් පාක්හි ධාරානිපාත වර්ෂාව හේතුවෙන් ගමන් බිමන් අවහිර විය.
නිවාස සහ ව්යාපාරික ස්ථාන ද ජලයෙන් යට වී තිබිණි.
ඇතැම් ස්ථානයන් හි වාහන අඩි දෙකක් පමණ ගැඹුරු ජලයේ අතහැර දමා තිබෙන ආකාරය ද දැකගත හැකි විය.
ලන්ඩනයේ වීදි රැසක් ගංවතුරෙන් යට වීම හේතුවෙන් මාර්ග රැසක් වසා දැමීමට ද කටයුතු කර තිබේ.
නිවාස රැසකට දැඩි අලාභහානි සිදුවී ඇති අතර හදිසි සේවා රැසක් එම ප්රදේශවල ක්රියාත්මක කර තිබේ.
දැඩි වර්ෂාපතනයත් සමඟ ලන්ඩන් හදිසි ඇමතුම් සේවයට ඇමතුම් දහසකට වැඩි ප්රමාණයක් ලැබී ඇතැයි පැවසේ.
දුම්රිය හා භූගත දුම්රිය ස්ථාන කිහිපයක් වසා දැමීමට ද කටයුතු කර ඇත.
නගරයේ විශාලතම ප්රවාහන මධ්යස්ථානයක් වන යූස්ටන් සහ හැම්ප්ස්ටඩ් දුම්රිය ස්ථානය ද තද වැසි හේතුවෙන් වසා දමන ලදී.