ඉංග්‍රීසි සාහිත්‍යයේ නොබෙල් ත්‍යාගයට පමණක් දෙවැනි වන බුකර් සම්මානයේ අවසන් වටය සඳහා පළමු වරට ශ්‍රීලාංකිකයකුගේ නවකතාවක් නිර්දේශ වී තිබෙනවා. ඒ අනුක් අරුද්ප්‍රගාසහ් විසින් රචිත “A Passage North” නවකතාවයි.
මෙරට පැවති සිවිල් යුද්ධය නිසා දැඩි කම්පනයට පත්ව නැවත යථා තත්වයට පත්වූ දෙමළ ජාතිකයකු වටා මෙම නවකතාව ගෙතෙනවා.
මෙය අනූක් ලියූ දෙවන නවකතාවයි.
අනුක්ගේ ප්‍රථම නවකතාව “A story of a brief marriage”(2016) වන අතර එය භාෂා කිහිපයකට පරිවර්තනය වුණා.
මීට පෙර ලාංකේය නවකතාකරුවකු ලෙස මයිකල් ඔන්ඩච්චිගේ “The English Patient ” නවකතාව සඳහා 1992 බුකර් සම්මානය හිමි වුවත් ඔහු ශ්‍රී ලංකාවේ උපත ලද කැනේඩියානු සම්භවයක් සහිත පුද්ගලයෙක්.
බුකර් ජාත්‍යන්තර සාහිත්‍ය සම්මානය පිදෙන්නේ ඉංග්‍රීසියෙන් රචනා කරන ලද සහ ඉංග්‍රීසියට පරිවර්තනය කරනු ලැබූ නවකතා සඳහායි. පොදුරාජ්‍ය මණ්ඩලයීය රටවල සහ අයර්ලන්තයේ නවකතා මේ සඳහා ඉදිරිපත් කිරීමට අවස්ථාව හිමි වනවා.
2021 බුකර් සම්මාන උළෙලේ ජයග්‍රාහකයා නොවැම්බර් 03වනදා නිවේදනය කිරීමට නියමිතයි.
