චීන ශ්රේෂ්ඨාධිකරණයේ හිටපු සහකාර විනිසුරුවරයෙකු වන වැන්ග් ලින්කින්ග්ට (Wang Linqing) වසර 14ක සිර දඬුවමක් නියම කර ඇති බව විදෙස් මාධ්ය වාර්තා කරයි.
අල්ලස් ගැනීම සහ ජාතික රහස් ලබා ගැනීමේ චෝදනාව මත පවරා තිබූ නඩුවකින් වරදකරුවකුවීම මත ඔහුට මෙම දඩුවම නියම වී ඇති බව සදහන් වේ.
මෙම සිරදඩුවමට අමතරව එම හිටපු විනිසුරුවරයාට යුවාන් මිලියනයක එනම් ඇමරිකානු ඩොලර් 150,000 දඩයක් ද නියම කර ඇති බව පැවසේ.
මෙම විනිසුරුවරයා, 2008 සිට 2018 දක්වා ශ්රේෂ්ඨාධිකරණයේ සහකාර විනිසුරුවරයෙකු ලෙස සේවය කළ කාලය තුළ ආයතන දෙකකින් සහ නීතිඥයින් 11 දෙනෙකුගෙන් යුවාන් මිලියන 2.2 ක් පමණ වටිනා අල්ලස් ලබා ගෙන ඇති බව ඔහුට එරෙහිව පැවති නඩු විභාගයේ දී අනාවරණය වී ඇත.