දකුණු අප්රිකාවේ හිටපු ජනාධිපතිවරයෙකු වන ජේකොබ් සූමා හට එරට ඉහළම අධිකරණය විසින් මාස 15 ක සිරදඬුවමක් නියම කර තිබෙනවා.
ඔහු ජනාධිපතිවරයා ලෙස කටයුතු කරන සමයේදී විභාග වූ දූෂණ නඩුවක් සඳහා අධිකරණය හමුවේ පෙනී නොසිටීම හේතුවෙන් මෙම දඬුවම නියම කර ඇති බවයි පැවසෙන්නේ.
ඔහුට පොලීසියට බාරවීම සඳහා දින 05 ක කාලයක් ලබා දී ඇති අතර එම කාලසීමාව තුළ ඔහු ඊට අවනත නොවුවහොත් දුටුතැන අල්ලා ගැනීම සඳහා පොලීසියට බලය පවරා තිබෙනවා.
2009 වසරේ සිට 2018 වසර දක්වා සූමා ජනාධිපතිවරයාගේ වසර 09 ක ධුර කාලය සැලකෙන්නේ එරට ඉතිහාසයේ දූෂිතම හා අසාර්ථක පාලන කාලසීමාවලින් එකක් ලෙස වන අතර දූෂණ-වංචා, දේශපාලන බලපෑම්, ව්යාපාරිකයන් විසින් මැති-ඇමතිවරුන්ට හා රාජ්ය නිළධාරීන්ට සිදුකළ බලපෑම් ඇතුළු චෝදනා ගණනාවක් සූමා ජනාධිපතිවරයාට එල්ල වූ අතර අවසානයේ 2018 වසරේදී ඔහුට බලය අත්හැර යාමට සිදුවිය.