කොම්පෝස්ට් පොහොර ගොවීන්ට නොමිලේ ලබාදීමට අද (12) පැවැති කැබිනට් රැස්වීමේදී තීරණය කළ බව ඉඩම් අමාත්ය එස් එම් චන්ද්රසේන මහතා පවසනවා.
එමෙන්ම, නැනෝ පොහොර වැඩිපුර ආනයනය කිරීමටද අනුමැතිය හිමිවූ බවයි අමාත්යවරයා පවසන්නේ.
මේ අතර ශ්රී ලංකාවට අවශ්ය පොහොර ප්රමාණය මෙරටදීම ප්රමාණවත් පරිදි නිෂ්පාදනය සිදු කරන තෙක්, අවම වශයෙන් යූරියා පොහොර හෝ ආනයනය කළයුතු බව අමාත්ය එස්.එම්. චන්ද්රසේන මහතා ඊයේ දින පාර්ලිමේන්තුව අමතමින් පවසා සිටියා.
වගාවට අවශ්ය නයිට්රජන් අවශ්යතාවය සපුරා ගැනීම සඳහා යූරියා වගාවට යෙදීම අනිවාර්ය වී ඇති බවත් ඒ අනුව අවම වශයෙන් 2022 වසරේදී යූරියා පොහොර අවශ්යතාවයන් 50% ක් වත් ආනයන කිරීමට අවසර ලබාදීම යෝග්ය බවත් එහිදී ඇමතිවරයා පෙන්වා දුන්නා.