තලේබාන් පාලනය හමුවේ සිය වැඩසටහන් පවත්වාගෙන යන ආකාරය සම්බන්ධයෙන් ඇෆ්ගනිස්තානයේ ජනමාධ්‍ය දැඩි දුෂ්කරතාවයකට මුහුණු දී සිටින බව වාර්තා වේ.
විදෙස් මාධ්‍ය වාර්තා කළේ, තලේබාන් පාලකයන් ඉස්ලාම් නීතියට සහ ජාතික වැදගත්කම ආරක්ෂාවන පරිදි වැඩසටහන් පවත්වාගෙන යා යුතු බවට නියෝග කර ඇතත් ඒ පිලිබද විස්තරාත්මක කරුණු දැක්වීමක් සිදුකර නැති බවයි.
මේ හේතුවෙන් ඇෆ්ගනිස්තානයේ පෞද්ගලික මාධ්‍ය ආයතන දැඩි දුෂ්කරතාවයන්ට මුහුණ දී ඇති අතර මාධ්‍ය ආයතන කිහිපයක් කාන්තා නිවේදිකාවන්ට තවමත් අවස්ථාව ලබාදී ඇති අතර තවත් ආයතන කාන්තා නිවේදිකාවන්ගේ සේවය නවතා දමා තිබේ.
මේ අතර සෑම නාලිකාවක්ම පාහේ තුර්කි මාලා නාටක විකාශය කිරීම නවතා දමා ඇති අතර සංගීත වැඩසටහන් සියල්ලේම පාහේ විකාශන කටයුතුද නවතා දමා ඇත.
ඇෆ්ගනිස්තානයේ මාධ්‍ය හිමිකරුවන් සහ මාධ්‍යවේදීන් අන්තර්ජාතික මාධ්‍ය වෙත පවසා ඇත්තේ කිනම් මොහොතක කුමන භයානක තත්වයක් මතුවේදැයි යන සැකය හේතුවෙන් තමන්ගේ එදිනෙදා කටයුතු පවත්වාගෙනයාම මහත් දුෂ්කරතාවයක් වී ඇති බවයි.
