ඉන්ධන මිල අඩු වන බවට උපකල්පනය කරමින් ඉන්ධන ඇණවුම් නොකළ ඉන්ධන පිරවුම්හල් හිමියන් වෙත දඬුවමක් ලෙස දින 3ක කාලයක් ඉන්ධන ලබා නොදීමට ඛනිජ තෙල් නීතිගත සංස්ථාව කටයුතු කර තිබෙනවා.
ඉන්ධන පිරවුම්හල් සංගමයේ ලේකම් කපිල නාඔටුන්න මහතා කියා සිටියේ මේ හේතුවෙන් රට පුරා පිරවුම්හල් වැසී ගොස් ඇති අතර ඇතැම් පිරවුම්හල් ආශ්‍රිතව දිගු පෝලිම් ඇති වී තිබෙන බවයි.
මෙම දඬුවම් ක්‍රියාමාර්ග හේතුවෙන් පාරිභෝගික ජනතාව දැඩි අපහසුතාවයට පත්ව ඇති බවයි ඒ මහතා සඳහන් කළේ.
වැඩිදුරටත් අදහස් දක්වමින් එම සංගමයේ ලේකම් කියා සිටියේ අද (06) දිනය වන විට ඉන්ධන ඇණවුම් ලැබේවී යැයි අපේක්ෂා කරන බවයි.
