කෝවිඩ් ආසාදිතයන්ට ප්‍රතිකාර කිරීමට යොදාගත හැකි මොනුපිරවියර් ඖෂධයට නුදුරු දින කිහිපය තුළදී ඇමරිකානු ඖෂධ අධිකාරියේ අනුමැතිය හිමිවනු ඇතැයි විදෙස් මාධ්‍ය වාර්තා කරයි.
මෙම ප්‍රතිවෛරස් ඖෂධයට වැඩිහිටියන් කෝවිඩ් ආසාදනයෙන් අසාධ්‍ය තත්වයට පත්වීම සහ රෝහල්ගතවීම වළක්වාලීමට ඉහළ හැකියාවක් ඇති බව සනාථ වී තිබේ.
මෙම ඖෂධය වෛරස සම්පූර්ණයෙන්ම පාලනය කිරීමට සමත් වනු ඇති බවත් ඒ අනුව මෙය කෝවිඩ් වසංගතය පරාජය කිරීමේ තීරණාත්මක පියවරක් වනු ඇති බවත් ඉන්දීය කෝවිඩ් පාලන කාර්ය සාධක බලකායේ සභාපති වෛද්‍ය රාම් විශ්වකර්ම ප්‍රකාශ කර ඇත.
ඉන්දියාවේ නිෂ්පාදනයක් වන මෙම ඖෂධය නිෂ්පාදනය කිරීම සදහා දැනටමත් නිෂ්පාදනය සමාගම් පහක් ඉදිරිපත්ව සිටින බවද ඔහු එහිදී අනාවරණය කර ඇත.
