24 C
Colombo
Monday, December 5, 2022

වසරේ ළමයා ගීතාංජලී රාඕ- ‘මාර කෙල්ලෙක්’

- Advertisement -

ටයිම් සඟරාව හැම අවුරුද්දකටම පාරක් වසරේ පුද්ගලයා නම් කරනවා. මේ පාර පළවැනි වතාවට ටයිම් සඟරාව ‘වසරේ ළමයා’ නම් කරලා තියෙනවා.

පළවැනි වතාවේ වසරේ ළමයා විදියට තේරුණේ අවුරුදු 15ක් වන ගීතාංජලී රාඕ.

ඒකත් මරු වැඩක්. ගිය අවුරුද්දේ ටයිම් සඟරාවේ ‘වසරේ පුද්ගලයා’ වුණේ ස්වීඩනයේ ඉන්න පොඩි කෙල්ල ග්‍රෙටා තුන්බර්ග්. මීට කලින් මලාලා යූසුෆායි වසරේ පුද්ගලයා වුණා.

ඔය ජනාධිපතිලා, අගමැතිලා වගේ ලොකු ලොකු මිනිස්සු පිස්සුම කෙළින කාලෙක, මෙහෙම ගියොත් ‘පොඩි පොඩි කෙල්ලො’ හැමදාම වසරේ පුද්ගලයා කියන කැටගරිය කොල්ලකයි කියලා හිතලාදෝ මෙදා පාර ටයිම් සඟරාවෙන් ළමයින්ට වෙනම කැටගරියක් දාලා.

මේ පාර ‘වසරේ ළමයා’ කියන කැටගරියට මේ ගීතාංජලී කියන කෙල්ල අහුවෙච්ච එක හරි විශේෂයි. ඇය පුංචි විද්‍යාඥවරියක්. ඇමෙරිකාවෙ හැදී වැඩිච්ච ඉන්දීය සම්භවයක් තියෙන ළමයෙක් ඇය. විශේෂ නිර්මාණ ගණනාවක් කරලා තියෙනවා. ස්ටෙම් විෂයන් හෙවත් විද්‍යා, තාක්ෂණ, ගණිත, ඉංජිනේරු විෂයන්වලට ප්‍රමෝට් කිරීම වගේ දේවල් නිසා ඇය විශේෂ චරිතයක් විදියට හඳුනගෙන තියෙනවා. ඒ වගේම මේ පොඩි වයසෙදී එයා කාන්තාවන්ට සහ පිරිමින්ට සමාන පඩියක් ගෙවන්න කියලා ඉල්ලන ෆයිට්වලත් ඉස්සරහා හිටියාලු.

ටයිම් යූටියුබ් චැනල් එකේ එයා ගැන විස්තර කෙරෙන වීඩියෝව හරි අපූරුයි. ඒකෙදී ඇය කතා ඇන්ජලීනා ජොලී එක්ක කතා කරනවා.

‘මං මාර කුතුහලයෙන් ඉන්න කෙනෙක්. ඒක මං ගැන දැනගන්න තියෙන එක දෙයක්. මම කැමතියි පරිසරය, සොබාදහම ගැන. හැමදේම ගැන ඉගෙනගැනිල්ලෙන් මට මාර රසයක් ලැබෙනවා.

ඒ නිසා ඉස්කෝලෙදී හැමදේම මට සුපිරි විනෝදයක් ගේනවා.

විද්‍යාවයි, තාක්ෂණයයි ඉන්වෝල් වෙන්නෙ නැත්නම් ලෝකය කරුණාවෙන් පිරිලා තියෙනවා කියලා හිතන්න මට බෑ.’

ගීතාංජලී එහෙම කියනවා.

ගීතාංජලී ටැපිස් කියන යන්ත්‍රය නිර්මාණය කළා. ඒක වතුරවල තියෙන දේ දැනගන්න යන්ත්‍රයක්. බොන වතුරවල තියෙන ලෙඩ් හොයන එකයි ඒ යන්ත්‍රය විශේෂයෙන් කරන්නේ. වතුර එක්ක ඊයම් බොන එක හරි නරකයි.

මීට කලින් බොන වතුර එක්ක ඊයම් බීපු අවස්ථා ඕනෑ තරම් වාර්තා වෙලා තියෙනවා. විශේෂයෙන් බොන වතුර ගන්න ගංගාවලට හෙම ඊයම් එකතු වුණොත් ඒක අපි බොන වතුරට එකතු වෙනවා. විශේෂයෙන් ඇමෙරිකාවෙ මිචිගන්වල ෆ්ලින්ට් කියන ටවුන් එකේ වතුරවලට 2014 දී ලෙඩ් එකතුවෙලා මාර සෞඛ්‍ය ප්‍රශ්නයක් ඇති වුණා. ගීතාංජලීගෙ උපකරණෙ හදන්න හේතු වුණේ ඒ ගැන දැනගන්න ලැබීමලු.

ඊයම් කියන්නේ මහා වසක්. විශේෂයෙන් ළමයින්ට මාර ලෙඩ තොගයක් ඊයම් ශරීරගත වුණොත් එනවා.  

වැඩිදුර දැනගැනීමට කියන්නේ. ලංකාවේ කැලණි ගඟේ පවා ඊයම් වැඩි බවට අදහසක් තියෙනවා.

ඉතින්, බොන්න කලින් වතුරවල ඊයම් දැනගන්න පුළුවන් යන්ත්‍රයක් හැදිල්ල හරිම වැදගත්.

ගීතාංජලීට අවුරුදු පහක් විතර කාලෙ එයාගෙ මාමා කෙමෙස්ට්‍රි කිට් එකක් අරන් දුන්නාලු. (සෙල්ලම් තුවක්කුවලට වඩා අමුතු තෑග්ගක්.) ඒ කෙමෙස්ට්‍රි කිට් එක හින්ද එයාගෙ ජීවිතේ වෙනස් වුණාලු.

හැබැයි මේ ළමයගෙ ළමා ජීවිතේත් වැදගත්. ඉතිං එයා ළමයෙක් විදියට ජීවත්වෙන්නත් ට්‍රයි කරනවාලු. එයා ලෝකයේ ගොඩක් තැන්වල ඇවිද්දාලු. 2020 දී ගෙදර හිරවෙලා ඉද්දී ගොඩක් දේවල් බේක් කළාලු. ඩයිනසෝර්ලාට එයා කැමතියිලු.

ඇත්තටම ඒ ළමයා ගැන හොයලා බලද්දී හැඟෙන්නේ ‘මාර කෙල්ලෙක්’ කියලයි. කතා කරද්දී මුඛරිකම, දැනුමෙන් පිරුණු ගතිය, දැක්මක් තියෙන බව බලා ඉන්න ආසයි. හැම ළමයාම විශේෂ වෙන්න ඕනෑ නෑ. ඒත්, මේ වගේ විශේෂ ළමයිනුත් එන්න ඉපැයි. අනාගතේ ගැන බලාපොරොත්තු ඇති කරගන්න.

RECENT ARTICLES - SINHALA

සමීක්ෂණ ප්‍රතිඵල පැමිණීමත් සමඟ බැසිල් යළි විමල් ඩලස් පසුපස යයි – ආයේ එකතු වෙන්නේ...

0
ශ්‍රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ මහතා විසින් රහසිගත ජනමත විමසුමක ප්‍රතිඵල ඔහු වෙත ලැබීමත් සමඟ යළිත් වතාවක් පක්ෂය හැර...

කිරි කියල බොන්නේ කිරි නෙමෙයි – ලුණු වලත් ප්ලාස්ටික් – හිටපු රේගු අධ්‍යක්ෂ

වර්තමානය වන විට ආහාර වල සුරක්ෂිතතාවය පිළිබඳව බරපතළ ගැටලු මතුව ඇති බව හිටපු රේගු අධ්‍යක්ෂ සමන්ත ගුණසේකර මහතා පවසනවා.

ෆොටෝ කොපි මිල යළිත් ඉහළට?

0
විදුලි බිල යළිත් වරක් ඉහළ දැමීමට රජය ක්‍රියාකළහොත් ෆොටෝ කොපි ඇතුළු සේවා සැපයුම්වල මිල ඉහළ දැමීමේ සුදානමක් පවතිනවා. කොළඹ...

RECENT ARTICLES - ENGLISH

Iran Announces End Of ‘Morality Police’ To Appease Protesters

0
Iran’s Attorney General says the Islamic Republic has disbanded the “morality police” adding that it had nothing to do with the judiciary...

Special program for differently-abled persons

0
President Ranil Wickremesinghe said a special program will be formulated for the benefit of differently-abled persons. He said that...

A new mobile App for the safety of tourists

0
Minister of Tourism and Lands Harin Fernando said that a new mobile application (App) will be introduced for the safety of tourists...