Dream Cruise Lines සුඛෝපභෝගී මගී නෞකාවන් අයත් Genting Hong Kong සමාගම සිය බංකොලොත්භාවය නිල වශයෙන් ප්රකාශයට පත්කර තිබෙනවා.
මේ වන විට අධිකරණ නියෝග අනුව එම සමාගමේ වත්කම් ඈවර කිරීමේ කටයුතු සිදුකෙරෙමින් පවතින බවයි විදෙස් මාධ්ය වාර්තා කරන්නේ.
මේ අතර, හොංකොං කොටස් වෙළෙඳපොළේ ලැයිස්තුගත කර තිබුණු Genting Hong Kong සමාගමේ කොටස් ගනුදෙනු 2022 ජනවාරි 18 දින සිට අත්හිටුවා තිබේ. තවද අදාළ ලැයිස්තුගත අවශ්යතා සපුරාලීම සඳහා සමාගමට මාස 18ක කාලයක් ලබා දී ඇති අතර 2023 ජූලි 17 වන එකී අවශ්ය සපුරාලීමට අපොහොසත් වුවහොත් කොටස් වෙළෙඳපොළ ලැයිස්තුවෙන් ඉවත් කිරීමට ද තීරණය වී තිබෙනවා.
Genting Hong Kong විසින් Dream Cruises දියත් කරන ලද්දේ ආසියානු වෙළඳපොළ කෙරෙහි අවධානය යොමු කරන ලද මගී නෞකා සන්නාමයක් ලෙසිනි. Explore Dream, Genting Dream හා World Dream යනුවෙන් අධිසුඛෝපභෝගී මගී නෞකා ත්රිත්වයක් Dream Cruises නෞකා සේවය සතුව තිබුණි. සිංගප්පූරුව, මැලේසියාව, ඉන්දුනීසියාව, තායිවානය, පිලිපීනය, ජපානය, වියට්නාමය හා චීනය යා කරමින් මෙම නෞකාවන් හි මුහුදු ගමන් දියත් වුණි.