බටහිර වෛද්‍ය ක්‍රමයට අනුව කොවිඩ් 19 වසංගත තත්ත්වය සඳහා ලබාදිය හැකි උපරිම විසදුම එන්නත්කරණය බව ඖෂධ නිෂ්පාදනය, සැපයීම හා නියාමන රාජ්‍ය අමාත්‍ය මහාචාර්ය චන්න ජයසුමන මහතා පවසනවා.
එබැවින් දේශීය වෛද්‍ය ක්‍රමය හරහා මෙම වසංගතය පාලනය කළ හැකි යම් ක්‍රමවේදයක් තිබේ නම් ඒවා මෙම වසංගතය පාලනයට යොදාගන්නා ලෙසට ජනාධිපති ගෝඨාභය රාජපක්ෂ මහතා උපදෙස් දුන් බව පෙරේදා පැවති ප්‍රවෘත්ති සාකච්ඡාවකදී රාජ්‍ය අමාත්‍යවරයා සදහන් කළා.
එමෙන්ම පවත්නා අවධානම් තත්ත්වයෙන් මිදීම සඳහා රටේ සියලු ජනතාවගේ ආධ්‍යාත්මික ශක්තිය අවශ්‍ය බවද චන්න ජයසුමන මහතා අවධාරණය කරනවා.
එබැවින් නිවෙසට වී සිටින මෙම සතිය තුළ රතන සූත්‍රය දේශනා කොට මෙම වසංගතයෙන් මිදීම සඳහා ජනතාවගේ ආධ්‍යාත්මික ශක්තිය වාතලයට මුසු කරන ලෙසට රාජ්‍ය අමාත්‍ය චන්න ජයසුමන මහතා ඉල්ලා සිටිනවා.
