මහියංගණය – බදුල්ල ප්‍රධාන මාර්ගයේ මහියංගණය රජමහා විහාරස්ථානයට නුදුරින් ඇලෑවේල ප්‍රදේශයේදී ඊයේ (14) සිදු වූ රිය අනතුරින් බරපතල තුවාල ලබා රෝහල් ගත කළ 24 හැවිරිදි තරුණිය අද ජීවිතක්ෂයට පත් වී තිබෙනවා.
අධික වේගයෙන් ධාවනය කළ සුඛෝපභෝගී මෝටර් රථයක් මාර්ගයේ නවතා තිබූ ත්‍රීරෝද රථයක පිටුපස ගැටීමෙන් සිදුවූ අනතුරින් ත්‍රිරෝද රථයේ සිටි සිව්දෙනෙකු බරපල තුවාල ලබා මහියංගණය මහ රෝහලේ දැඩි සත්කාර ඒකකයට ඇතුලත් කරනු ලැබුවා.
එහිදී මෙම අනතුරින් ජීවිතක්ෂයට පත්ව ඇත්තේ රිදීමාලියද්ද, 12 කණුව, ඌරණිය ප්‍රදේශයේ පදිංචි ඩබ්ලිව්.එම් හිමන්ෂි සෙව්වන්දි නමැති අවිවාහක තරුණියක්.
අනතුරින් තුවාල ලැබු අනෙක් තිදෙනාගේ තත්ත්වය ද බරපතල බවත් 15 හැවිරිදි නැගණිය බදුල්ල මහා රෝහලට මරුකර යවා ඇතැයිද වාර්තා වනවා.
පොලිසිය පැවසුවේ, අනතුර සිදු කළ මෝටර් රථයේ රියදුරා අත්අඩංගුවට ගෙන ඇති අතර, අත්අඩංගුවට පත් සැකකරු කඩුවෙල, වැලිවිට ප්‍රදේශයේ පදිංචි 21 හැවිරිදි තරුණයෙක් බවයි.
