කොවිඩ් වසංගතය මර්දනය කිරීමේදී පක්ෂ විපක්ෂ සියළු මත සැලකිල්ලට ගැනීමට නම්‍යශීලී වියයුතු බව හිටපු ජනපති, වත්මන් පාර්ලිමේන්තු මන්ත්‍රී මෛත්‍රීපාල සිරිසේන මහතා පවසනවා.
ඒ, ඊයේ (17) දින පාර්ලිමේන්තුව අමතමින්.
කෙසේ නමුත්, වත්මන් ජනපතිවරයා කොවිඩ් මර්දන ක්‍රියාවලිය සාර්ථක ලෙස සිදුකරන බවයි හිටපු ජනපතිවරයා පවසන්නේ.
මෙම ක්‍රියාවලියට සහය වීම සඳහා සර්වපාක්ෂික නියෝජනයක් සහිත සාකච්ඡාවක් පවත්වන ලෙස ජනාධිපතිවරයාගෙන් ඉල්ලා සිටින බවත් මෛත්‍රීපාල සිරිසේන මහතා පවසනවා.
එමෙන්ම, විදේශගත වන ශ්‍රමිකයින්ට ජාත්‍යන්තරව පිළිගත් එන්නතක් ලබාදීම අත්‍යාවශ්‍ය බවද ජාත්‍යන්තරය පිළිනොගන්නා එන්නත් ලබා නොදී ෆයිසර් වැනි පිළිගත් එන්නතක් ඔවුන්ට ලබාදිය යුතු බවයි ඔහු අවධාරණය කර සිටින්නේ.
