27 C
Colombo
Wednesday, May 18, 2022

N.G. රාජපක්ෂ වෙත පිරිනමා ඇති හස්තියා එම අයට මුදා හරින්න – අධිකරණය

- Advertisement -

කූට ලේඛන සකස් කරමින් අලි සන්තකයේ තබා ගත්තාය කියන සිද්ධිය සම්බන්ධයෙන් පින්නවල සහ ඇත් අතුරු සෙවනේ අපරාධ පරීක්ෂණ දෙපාර්තමේන්තුව නිරීක්ෂනය මත රඳවා සිටී අලින් 14 දෙනෙකු මාස තුනක් තුළ පැරණි හිමිකරුවන්ටම භාරකාරත්වය ලබාදීමට ලියාපදිංචි කිරීමේ කොන්දේසිය මත ඔවුන්ගේ අයිතිකරු වෙත තාවකාලිකව මුදා හැරීමට කොළඹ අතිරේක මහේස්ත්‍රාත් ටී. ජේ. ප්‍රභාකරන් මහතා පසුගිය 06 වනදා නියෝග කර තිබෙනවා.

ඒ මෙම අලින් ලියාපදිංචි කිරීම සඳහා ඔවුන්ගේ හිමිකරුවන් වෙත මුදා හරින ලෙසට අගතියට පත් පාර්ශ්වය වෙනුවෙන් පෙනී සිටි ජනාධිපති නීතීඥ අජිත් පතිරණ මහතා මෝෂන් පත්‍රයක් ගොනු කරමින් සිදුකළ ඉල්ලීමක් සලකා බැලීමෙන් අනතුරුවයි.

වනජීවී දෙපාර්තමේන්තුවේ තිබූ අලින් ලියාපදිංචි කිරීමේ පොත කූඨ ලෙස වෙනස් කර බලපත්‍ර නොමැති අලීන් සන්තකයේ තබාගත් සිද්ධියක් සම්බන්ධයෙන් අපරාධ පරීක්ෂණ දෙපාර්තමේන්තුව 2016 වසරේදි මුල්වරට කොළඹ මහෙස්ත්‍රාත් අධිකරණයට කරුණු වාර්තා කර තිබුණා.

එමෙන්ම අලි ජවාරමක් යැයි කියන්නාවු මෙම සිදුවීම සම්බන්ධයෙන් නීතිපතිවරයා විසින් විත්තිකරුවන් 08 දෙනෙකුට එරෙහිව කොළඹ ත්‍රිපුද්ගල මහාධිකරණය හමුවේ අධි චෝදනා ගොනු කිරීමක්ද සිදුව තිබුණා.

ඒ ඉකුත් 2014 ජූලි සිට 2015 අගෝස්තු අතර කාලයේදී මහරගම, ඇරව්වල, නාවල, බත්තරමුල්ල හා ඔරුවල යන ප්‍රදේශයන් වලදී සොරකම් කළ අලින්ට අදාළව වංචනිකව වනජීවි දෙපාර්තමේන්තුවේ තිබූ අලි ලියාපදිංචි කරන පොත කූඨ ලෙස වෙනස් කිරීම, බලපත්‍ර නොමැති අලි අට දෙනෙකු ලඟ තබා ගැනීම ,ජාවාරම් කිරීම හා ජාවාරම් කිරීමට කුමන්ත්‍රණය කිරීම ඇතුළු චෝදනා 33ක් යටතේ අපරාධ නඩු විධාන සංග්‍රහයේ හා පොදු දේපළ පනතේ විධිවිධාන ප්‍රකාරවයි

එහි විත්තිකරුවන් ලෙස නම්කර ඇත්තේ සමරප්පුලිගේ නිරාජ් රොෂාන් හෙවත් අලි රොෂාන්, වනජීවි දෙපාර්තමේන්තුවේ සහකාර අධ්‍යක්ෂ ලෙස කටයුතු කළ උපාලි පද්මසිරි, වනජීවි දෙපාර්තමේන්තුවේ අලි ඇතුන් ලියාපදිංචි අංශය භාරව සිටි ලිපිකාරිණියක වන එච්.ප්‍රියංකා සංජීවනී, උචිත නිශාන් ධම්මික, චන්දන කුමාර, ශෂික චානුක ගම්ලත් , පලිහපිටිය ගමගේ ජයලත් හා දමිත් චතුරංග යන අයයි.

කෙසේ වෙතත් කොළඹ අතිරේක මහේස්ත්‍රාත් ටී.ජේ. ප්‍රභාකරන් මහතා විසින් පසුගිය 06 වනදා සිදුකළ මෙම අලි ඇතුන් මුදාහැරීමේ නියෝගයට අමතරව මෙම අලින් 14 දෙනාගේ හිමිකාරිත්වය පැරණි හිමිකරුවන් වෙත ලියාපදිංචි කරන ලෙසටද අතිරේක මහේස්ත්‍රාත්වරයා සත්වෝද්‍යාන දෙපාර්තමේන්තුවට තවත් නියෝගයක් නිකුත් කර තිබෙනවා.

එහි දැක්වෙන්නේ,

“අපරාධ පරීක්ෂණ දෙපාර්තමේන්තුවේ විශේෂ විමර්ශන අංක 01 හි ස්ථානාධිපති විසින් මෙම අධිකරණයට කරුණු වාර්තා කරමින් අධිකරණ ක්‍රියාමාර්ග සහ විමර්ශන සිදුකරමින් පවතින හීලෑ අලිඇතුන් සම්බන්ධ ප්‍රතිපත්තිමය තීරණයක් ගැනීම සහ සන්තකයේ පැවරීම සම්බන්ධයෙන් නීතිපතිතුමාගේ උපදෙස් සහ ශ්‍රී ලාංකා ප්‍රජාතාන්ත්‍රික සමාජවාදී ජනරජයේ ගැසට් පත්‍රය (අති විශේෂ) 2021.08.19 දිනැති අංක 2241/41 වන සත්ව හා වෘක්ෂලතා ආඥා පනත යටතේ එම ගැසට් පත්‍රයේ දෙවන කොටසේ සඳහන් වන ආකාරයට හීලෑ අලිඇතුන් ලියා පදිංචිය විධිමත් කිරීම සම්බන්ධයෙන් නියෝගයක් නිකුත් කර ඇති බවට හා එම ගැසට් පත්‍රයේ දෙවෙනි කොටසේ සඳහන් පරිදි මාස 3 ක් ඇතුලත හීලෑ අලිඇතුන් වනජීවී සංරක්ෂණ දෙපාර්තමේන්තුවේ ලියාපදිංචි කිරීමට නියම කර ඇති බවට අධිකරණය වෙත වාර්තා කර ඇත.”

“ඔබ දෙපාර්තමේන්තුවේ රඳවා සිටින සන්නස් පත්‍රයක් මගින් අංක 26 ඒ, පැගිරිවත්ත මාවත, මිරිහාන, නුගේගොඩ ලිපිනයේ එන්.ජී රාජපක්ෂ වෙත පිරිනමා ඇති හස්තියා එම අයට මුදා හරින මෙන් අධිකරණයෙන් ඉල්ලා ඇති බවත් අධිකරණය සත්වෝද්‍යාන දෙපාර්තමේන්තුවේ අධ්‍යක්ෂ ජනරාල්වරයා වෙත නිකුත් කළ ලිපියේ දැක්වේ.”

“ඉහත ඉල්ලීමට අනුව අපරාධ නඩු විධාන සංග්‍රහයේ 124 වගන්ති ප්‍රකාරව මා වෙත පැවරී ඇති බලතල අනුව ඉහත අංක 1 සිට අංක 13 දක්වා සඳහන් නඩු භාණ්ඩ සන්තකයේ තිබූ අය වෙත භාර දීම සඳහා ද සන්නස් මගින් පිරිනමා ඇති හස්තියා අංක 26 ඒ, පැගිරිවත්ත මාවත, මිරිහාන, නුගේගොඩ ලිපිනයේ පදිංචි එන්.ජී රාජපක්ෂ වෙත මුදා හැරීමට ඔබට මෙයින් නියෝග කරමි.”

කෙසේ වෙත්ත මෙම නියෝගයේ සදහන් N.G. රාජපක්ෂ යනුවෙන් සඳහන් පුද්ගලයාගේ අනන්‍යතාවය හෝ සන්නසක් මගින් පවරා දුන් අලි පැටවෙකු යළි එම පුද්ගලයාටම භාර දෙන්නේ ඇයිදැයි යන්න ඉහත කී ලිපියේ සඳහන් වී නැහැ.


RECENT ARTICLES - SINHALA

අද පෙට්‍රල් පෝලිම්වල ඉන්න එපා..! – Ceypetco

අද (18) දිනයේදී පෙට්‍රල් මිලදී ගැනීම සඳහා ඉන්ධන පිරවුම්හල් අසල පෝලිම්වල නොසිටින ලෙස ලංකා ඛනිජ තෙල් සංස්ථාව ජනතාවට දැනුම් දෙනවා.

අද පාර්ලිමේන්තු කැන්ටිමේ කන්න තිබුණේ බතලයි, රතු අලයි – පොහොට්ටු මන්ත්‍රී

පාර්ලිමේන්තු ආපන ශාලාව තුළ පාර්ලිමේන්තු මන්ත්‍රීවරුන්ගේ ආහාරය සඳහා අද සූදානම් කර තිබුණේ බතල, රතු අල වැනි ආහාර වර්ග බව ශ්‍රී ලංකා පොදුජන...

ඔයා ලැජ්ජාවක් නැති අගමැති කෙනෙක් – එම්.ඒ.සුමන්තිරන්

දෙමළ ජාතික සන්ධානයේ පාර්ලිමේන්තු මන්ත්‍රී එම්.ඒ.සුමන්තිරන් මහතා අද (17) පාර්ලිමේන්තුවේදී අග්‍රාමාත්‍ය රනිල් වික්‍රමසිංහ මහතාට දැඩි ලෙස දෝෂාරෝපණය කළා. ඒ...

RECENT ARTICLES - ENGLISH

Senior DIG Deshabandu Tennakoon assaulted

0
Senior DIG in charge of the Western Province Deshabandu Tennakoon was assaulted by a group on Tuesday (10) afternoon.

President declares State of Emergency

0
President Gotabaya Rajapaksa has declared a state of emergency with effect from midnight today, President’s Media Division informed. The...

Yoshitha to Sue AKD

0
Yoshitha Rajapaksa, the Chief of Prime Minister's Staff said that he would file law suit against the claims made by JVP Leader...