මාසිකව රු 15,000ක මුදලක් වැටුපක් ලෙස ලබා දෙන ලෙස පෞද්ගලික බස් රථ සේවකයින් රජයෙන් ඉල්ලා සිට්නවා.
වසරක පමණ කාලයක් තිස්සේ බස් රථ සේවාවලට සම්බන්ධ 60,000ක් පමණ දැඩි ආර්ථික දුෂ්කරතාවන්ට පත්ව ඇති බවයි සමස්ත ලංකා පුද්ගලික් බස් රථ හිමියන්ගේ සංගමයේ ප්‍රධාන ලේකම් අංජන ප්‍රියන්ජිත් මහතා පවසන්නේ.
එබැවින් බස්රථ සේවකයින් සඳහා රුපියල් පහළොස්දහස බැගින් මාස දෙකක් සඳහා හෝ වැටුපක් ලෙස ගෙවන ලෙසොවුන් ඉල්ලා සිටිනවා.
මෙහිදී වැඩිදුරටත් අදහස් දැක්වූ අංජන ප්‍රියන්ජිත් මහතා,
“අපි රජයෙන් ඉල්ලීමක් කරනවා ශ්‍රී ලංගම සේවකයින් ට වැටුප් දෙනවා වගේම මාසිකව රු 15,000ක මුදලක් මාස දෙකකටවත් ලබාදෙන්න කියලා. අද දිනයේ දීත් අන්තර් පළාත් බස්රථ ධාවනය වෙන්නේ නෑ. හැබැයි සමහර අන්තර් පළාත් බස් රථහිමියන් කිහිපදෙනෙකුට විතරක් ප්‍රධාන රෝහල්වලින් සහ රජයේ අමාත්‍යාංශ, සංස්ථා, දෙපාර්තමේන්තු සඳහා බස් රථ ධාවනයට ඉඩදීලා තියෙනවා.”
