27.5 C
Colombo
Wednesday, October 4, 2023

ගෝඨාභය ලසන්ත හා ඇමෙරිකාව..

- Advertisement -


සන්ඬේ ලීඩර් කර්තෘ ලසන්ත වික්‍රමතුංග මහතා ඝාතනයට ලක්වුණේ මහින්ද රාජපක්ෂ පළමු පාලන යුගයේදී 2009 ජනවාරි 08 වැනිදා අධිආරක්ෂිත කලාපයකදීය. වික්‍රමතුංග මහතාගේ ඝාතනයට අද(8)ට වසර දොළහකි.

ඝාතනයට ලක්වන විට එවක ආණ්ඩුවේ මහා පරිමාණ වංචා දූෂණ රැසක් සන්ඬේ ලීඩර් පුවත්පත හරහා අනාවරණය කෙරුණු අතර වික්‍රමතුංග මහතා මරාදැමීමට ප්‍රථමයෙන් ජනමාධ්‍යවේදීහු විශාල පිරිසක් පිළිවෙලින් ඝාතනයට ලක්වූහ. 

රාජපක්ෂ පළමු පාලන කාලයේදී ඇදී ඇදී කැලේ ගිය අපරාධ විමර්ශනයකින් පසු ලසන්ත වික්‍රමතුංග ඝාතකයන්ගේ සැබෑ සුලමුල අනාවරණය වීමට පටන්ගත්තේ 2015 ආණ්ඩු වෙනසින් පසුවය. සන්ඬේ ලීඩර් කතුවරයාගේ සැබෑ ඝාතකයන් සෙවීම වැලැක්වීමට අපරාධ විමර්ශන යට ගැසූ අයුරුත් ව්‍යාජ තොරතුරු ඔස්සේ විමර්ශන කැලේ යැවූ අයුරුත් අනාවරණය වූයේ මෙම නව විමර්ශන මගිනි. කෙසේ වෙතත් බලලෝභී දේශපාලනයේ පක්ෂ බල ව්‍යාපෘතිය හමුවේ රණවිරු අභිවන්දනයට ද මුවාවෙමින් බාධා පැමිනුණු වික්‍රමතුංග මහතාගේ ඝාතන විමර්ශන දැන් ඇත්තේ නැවතත් දෙවැනි රාජපක්ෂ ආණ්ඩුවේ පාපිස්ස යටය.

කෙසේ වෙතත් නව රාජපක්ෂ ආණ්ඩුව යටතේ සැමරෙන වික්‍රමතුංග මහතාගේ අනුස්මරණය දේශපාලනික වශයෙන් වැදගත් වේ. ඒ, සන්ඬේ ලීඩර් කතුවරයා ඝාතනයට ලක් වනවිට ආරක්ෂක අමාත්‍යාංශයේ ලේකම් ධුරය දැරූ එවක ජනපති මහින්ද රාජපක්ෂ මහතාගේ සොයුරු ගෝඨාභය රාජපක්ෂ මහතා මේ වනවිට රටේ ජනාධිපති බැවිනි. එමෙන්ම 2019 අගෝස්තුවේදී ශ්‍රී ලංකා පොදුජන පෙරමුණේ ජනපති අපේක්ෂකයා වශයෙන් සිය නීතිවේදීන් මගින් ඇමෙරිකා එක්සත් ජනපදයේ කැලිෆෝනියා දිස්ත්‍රික් අධිකරණය වෙත මෝසමක් ඉදිරිපත් කළ ප්‍රකාශය නිසාය. 

පොදුජන පෙරමුණේ ජනපති අපේක්ෂකයා ලෙස ඔහු පැවැසුවේ මාධ්‍යවේදී ලසන්ත වික්‍රමතුංග ඝාතනය සම්බන්ධයෙන් ඇමෙරිකා එක්සත් ජනපදයේ පැවැත්වෙන අධිකරණ විමර්ශනයකදී තමන්ට රාජ්‍ය නිලධාරියෙකුට හිමි විනිර්මුක්තිය හිමිවන බවය. ඊට හේතු ලෙස ඔහු පැවැසුවේ ඝාතනය සිදු වන අවස්ථාවේ තමන් ශ්‍රී ලංකාවේ රජයේ නිලධාරියෙකුව සිටි බැවින් එසේ විනිර්මුක්තිය හිමි වන බවය. මෙම ප්‍රකාශය එවකට දැඩි ආන්දෝලනයකට තුඩු දුන්නේය. හේතුව වූයේ මෙම ප්‍රකාශය මගින් අනියමින් කියැවෙන්නේ ඝාතනයට තම සම්බන්ධයක් ඇති බවට වූ පූර්වාපේක්ෂණය මෙම ප්‍රකාශනයෙහි ගැබ්වීම යැයි නීතිවේදීන් තර්ක කිරීමය.

පොදුජන පෙරමුණේ ජනපති අපේක්ෂකයා එසේ තර්ක කිරීමට හේතු වූයේ සන්ඬේ ලීඩර් කතුවරයාගේ දියණිය වූ අහිම්සා වික්‍රමතුංග කැලිෆෝනියා අධිකරණය හමුවේ ගොනු කරන ලද නඩුවයි. ඇය මෙම නඩුව පැවැරුවේ තම පියා ඝාතනය කිරීමට ‘කුමන්ත්‍රණය කිරීම, සහය දීම සහ/හෝ අනුබල දීම’ සම්බන්ධයෙන් ඒ අවස්ථාවේ ආරක්ෂක අමාත්‍යංශයේ ලේකම්වරයා ලෙස කටයුතු කළ ගෝඨාභය රාජපක්ෂ නියෝගදීමේ වගකීමෙන් බැඳෙන බවට චෝදනා කරමිනි. එහිදී ගෝඨාභය රාජපක්ෂ වෙනුවෙන් පෙනීසිටි නීතිවේදීහු සිය සේවාදායකයා ඝාතනයට කිසිදු අයුරකින් සම්බන්ධ නැති බව අවධාරණය කරමින් කරුණු තුනක ගෙනහැර පෑහ. විශේෂත්වය වූයේ හිටපු අගවිනිසුරකු වන අශෝකා ද සිල්වා ද රාජපක්ෂ මහතාගේ නීතිවේදී නඩය නියෝජනය කිරීමය.  

1. විත්තිකරුට එරෙහිව චෝදනාව එල්ල කර තිබෙන්නේ ඝාතනය සිදුවන අවස්ථාවේ ඔහු ආරක්ෂක අමාත්‍යාංශයේ ලේකම්වරයා වශයෙන් කටයුතු කිරීම හේතුවෙන් බැවින් ඔහුට විදේශික රාජ්‍ය නිලධාරියෙකුට හිමි විනිර්මුක්තිය හිමිවීම


2.චෝදනාවලට අදාළ සියලු සිදුවීම හටගෙන තිබෙන්නේ ශ්‍රී ලංකාවේ වන අතරම, විත්තිකරු මේවනවිට ශ්‍රී ලංකාවේ වාසය කරන අතර පැමිණිලිකාරිය ද විදේශයක වාසය කරන බැවින් මේ නඩුකරයට එක්සත් ජනපදය කිසිදු අයුරකින් සම්බන්ධ නොවීම නිසා එක්සත් ජනපදයට ඒ සම්බන්ධ අධිකරණ බලයක් නොමැතිවීම.


3.ශ්‍රී ලංකාවේ අධිකරණයට ගරු කරමින් සහ මෙම නඩු විභාගය සඳහා එක්සත් ජනපද අධිකරණයට වඩා ශ්‍රී ලංකාවේ අධිකරණය සුදුසු ස්ථානයක් වීම.

කෙසේ වෙතත් රාජපක්ෂ මහතාගේ නිදහසට කරුණු දැක්වීම හමුවේ ඝාතනය සම්බන්ධයෙන් විශාල විවාදයක් එම කාලයේදී හටගත්තේය. එහිදී ඇතැම් නීතිවේදීන් පෙන්වාදුන්නේ ගෝඨාභය රාජපක්ෂට රාජ්‍ය නිලධාරියෙකුට හිමි විනිර්මුක්තිය හිමිවිය යුතු බවට තර්ක කිරීම මගින් ලසන්ත වික්‍රමතුංග ඝාතනය සම්බන්ධයෙන් රාජ්‍යයට වගකීමක් තිබෙන බව ඔහු ව්‍යංගයෙන් පිළිගෙන ඇති බවය. බී.බී.සී සිංහල සේවයට මේ ගැන අදහස් දැක් වූ පේරාදෙණිය විශ්වවිද්‍යාලයේ නීති පීඨයේ ජ්‍යෙෂ්ඨ කථිකාචාර්ය ආචාර්ය කලණ සේනාරත්න පෙන්වා දී තිබුණේ ගෝඨාභය රාජපක්ෂගේ නීතිවේදීන් සිය මෝසම මගින් ඉදිරිපත් කර තිබෙන්නේ ඇමෙරිකානු අධිකරණය ඉදිරියේ හිටපු විදේශීය නිලධාරීන්ට එරෙහිව චෝදනා එල්ල වූ අවස්ථාවල සාමාන්‍යයෙන් මතුකරන තර්ක බවය. ගෝඨාභය රාජපක්ෂ මහතාගේ ඇමෙරිකානු පුරවැසිභාවය ගැන ද ඉන්පසු විශාල විවාදයක් හටගත් අතර මැතිවරණ කොමිසමේ එවක සභාපති මහින්ද දේශප්‍රිය මහතාගේ සෑහීම අනුව ජනපතිවරණයට ඉදිරිපත් වීමට රාජපක්ෂ මහතාට අවස්ථාව ලැබිණි.

කෙසේ වෙතත් මෙහිදී ලියුම්කරුගේ අවධානයට යොමුවන්නේ අධිකරණමය ක්‍රියාවලියට වඩා රාජපක්ෂ මහතා දැක් වූ තර්ක හා ඔහු අද සිටින තනතුර සම්බන්ධයෙනි. ගෝඨාභය රාජපක්ෂ යනු අද ශ්‍රී ලංකාවේ රාජ්‍ය නායකයාය. රාජ්‍ය නිලධාරියකුට හිමි විනිර්මුක්තිය ගැන තර්ක කරමින් අනිමින් ඝාතනයට රාජ්‍යයේ ඇති බැඳීම තහවුරු කළ කළ ඔහුට ලසන්ත වික්‍රමතුංග ඝාතනය මගින් ජනමාධ්‍යටත් පොදුවේ රටටත් පෞද්ගලිකව වික්‍රමතුංග නෑ සිය මිතුරන්ටත් වූ හානිය ප්‍රතිපූර්ණයට දැන් එළැඹ ඇත්තේ හොඳම අවස්ථාවයි. අනෙක් අතට රාජපක්ෂ තර්කනයේ තෙවැනි කරුණ බවට පත් වූ ඝාතන විමර්ශනයේ නෛතික ක්‍රියාවලියට හොඳම අධිකරණය ලංකාවේ ඇති බව සහතික කිරීමට ද දැන් ජනාධිපතිවරයාට පු`ඵවන. ඇමෙරිකාව හා පුරවැසි ප්‍රශ්න ගැන වෙනම කතා කළ හැකිය. 


 ඉතින් ජනාධිපතිතුමනි, මේ ඔබේ වාරයයි.

RECENT ARTICLES - SINHALA

ලාෆ් ගෑස් මිලත් ඉහළට

ලාෆ් ගෑස් මිල අද (04) මධ්‍යම රාත්‍රියේ සිට ක්‍රියාත්මක වන පරිදි ඉහළ දමා තිබෙනවා. ඒ අනුව කිලෝ ග්‍රෑම් 12.5ක සිලින්ඩරය රුපියල් 150 කින් වැඩි වී...

කොටුව සහ මරදාන දුම්රිය ස්ථානවලට පොලිස් ආරක්ෂාව

කොළඹ කොටුව සහ මරදාන දුම්රිය ස්ථානවලට පොලිස් සහ පොලිස් විශේෂ කාර්ය බළකාය කැඳවා ආරක්ෂාව යොදවා තිබෙනවා. දුම්රිය නියාමක සංගමය ආරම්භ කර තිබෙන වෘත්තීය ක්‍රියාමාර්ගය හේතුවෙන්...

බදු වැඩි වෙන්නේ ගෝඨාභය එලෙව්ව නිසා – නාමල් රාජපක්ෂ

පසුගිය වසරේ පැවති අරගලය හා හිටපු හිටපු ජනාධිපති ගෝඨාභය රාජපක්ෂ මහතා පළවා හැරීම බදු වැඩි වීමට හේතු වී ඇති බව පාර්ලිමේන්තු මන්ත්‍රී නාමල් රාජපක්ෂ...

POPULAR ARTICLES

නිපා වෛරසය ගැන සෞඛ්‍ය අමාත්‍යංශයෙන් දැනුම් දීමක්

නිපා වෛරසය සම්බන්ධයෙන් ශ්‍රී ලංකාවට වැඩි අවදානමක් නොමැති බව සෞඛ්‍ය අමාත්‍යංශය පවසනවා. නිවේදනයක් නිකුත් කරමින් සෞඛ්‍ය අමාත්‍යංශයේ වසංගත රෝග විද්‍යා අංශය සදහන් කළේ, ඉන්දියාවේ කේරළ...

උසස් පෙළ හා සාමාන්‍ය පෙළ සිසුන්ට දැනුම් දීමක්

උසස් පෙළ හා සාමාන්‍ය පෙළ අවසන් වූ වහාම එම සිසුන් සඳහා වෘත්තීය පුහුණු පාඨමාලා ආරම්භ කිරීමට අමාත්‍ය මණ්ඩල අනුමැතිය හිමිව ඇති බව අධ්‍යාපන අමාත්‍ය...

රන් මිල පහළට

පසුගිය සතියට සාපේක්ෂව අද (02) රන් මිල පහළ වැටීමක් සිදු වී තිබෙන බවට වාර්තා වනවා. ඒ අනුව අද රන් මිල ගණන් වන්නේ, රන් අවුන්සය - රු.597,449.00 කැරට්...