හිටපු ජනාධිපති ගෝඨාභය රාජපක්ෂව ජනාධිපති තනතුරට පත් කළේ මෙන්ම ඔහුව ඉවත් කළේ ද ඇමරිකා එක්සත් ජනපදය විසින් බව රාජපක්ෂ පවුලේ ඥාති සහෝදරයෙකු මෙන්ම හිටපු රුසියානු තානාපතිවරයෙකු වන උදයංග වීරතුංග පවසනවා.
සම්මුඛ සාකච්ඡාවකට එක් වෙමින් උදයංග වීරතුංග පවසන්නේ ඇමරිකාවට අවශ්ය වූයේ මහින්ද රාජපක්ෂව දේශපාලනයෙන් ඉවත් කිරීම බවයි. ඒ සඳහා ගෝඨාභයව යොදා ගැනීමෙන් අනතුරුව බලයෙන් පහ කරන ලද ගෝඨාභයව නැවත ඇමරිකාව විසින් බලයට ගෙනෙනු ඇතැයි විශ්වාස කළ නොහැකි බවත් ඇමරිකාව එක් වරක් භාවිතා කළ පුද්ගලයෙක්ව නැවත වරක් භාවිතා නොකරන බවත් ඔහු පවසනවා.
එමෙන්ම ඔහු රාජ්ය පාලනය කළේ කාන්තාවන්ට අවශ්ය පරිදි බවත් උදයංග වීරතුංග පවසනවා.
“ඔහු අන්තිම කාලෙ ඇත්තටම ඥානා අක්කා පමණක් නෙවෙයි ඔහුගේ භාර්යාව ඒ වගේම සහෝදරිය කියන කතා තමයි අභ්යන්තරයෙන් මතු උනේ. දවස පුරා කවුරු උපදේශ දුන්නත් පහුව ඔහු ක්රියාත්මක කළා ගොඩක් දේවල්”.
එමෙන්ම, මිග් ගණුදෙනුව සම්බන්ධව 2015 සිට 2019 දක්වා නඩු නොපැරුවේ එම නඩුවේ ප්රධාන වගඋත්තරකරු ගෝඨාභය රාජපක්ෂ වන නිසාවෙන් බවත් ලසන්ත වික්රමතුංග සන්ඩේ ලීඩර් පුවත්පතේ ප්රධානියාව සිටියදී මිග් ගනුදෙණුව පිළිබඳව පල කළ පුවතක් සම්බන්ධයෙන් ගෝඨාභය රාජපක්ෂ විසින් ගල්කිස්ස උසාවියේ පවරන ලද නඩුවට සාක්ෂිකාරයෙකු ලෙසවත් නොකැඳවූ තමන්ව 2015දී එක වරම මිග් ගනුදෙණුව සිදු කළ පුද්ගලයා ලෙසට හංවඩු ගසන්නේ කෙසේ ද යන්නත් ඔහු වැඩිදුරටත් විමසනවා.