ශ්රී ලංකා ජනරජ දිනය අදට (22) යෙදී තිබෙනවා.
බ්රිතාන්ය යටත්විජිතයක් වශයෙන් පැවැති ශ්රී ලංකාව පූර්ණ වශයෙන් නිදහස ලැබූ දිනය ජනරජ දිනය වශයෙන් හැඳින්වෙනවා .
බ්රිතාන්ය විසින් හඳුන්වාදුන් සෝල්බරි ව්යවස්ථාව(1944) වෙනුවට 1972 මැයි මස 22වන දින ශ්රී ලාංකිකයන් විසින් සම්පාදනය කළ ජනරජ ව්යවස්ථාව පාර්ලිමේන්තුවේ දී සම්මත වුණා.
ශ්රී ලංකාව ඒකීය රාජ්යයක් ලෙසත් එහි බුදුදහමට ප්රමුඛස්තානයත් , පැහැදිලිවම පිළිගත් ජනරජ ව්යවස්ථාව සම්මත වූ දිනයද වන්නේ මෙයයි.
ජනරජ දිනය වෙනුවෙන් ජනපති ගෝඨාභය රාජපක්ෂ මහතා තැබූ සටහන පහතින්,
“ශ්රී ලංකාව ඩොමිනියන් පාලනයෙන් පූර්ණ වශයෙන් මිදී ස්වෛරී ජනරජයක් බවට පත්වූයේ වසර 49 කට පෙර අද වැනි දිනෙකයි.
1948 දී ලබාගත් නිදහස වඩාත් ගෞරවාන්විත තත්ත්වයකට ඔසවා තබන්නට පෙරමුණ ගත් එවකට අග්රාමාත්ය ගරු සිරිමාවෝ බණ්ඩාරනායක මැතිණිය ඇතුළු සියලුම නායකයින් මේ මොහොතේදී කෘතවේදීව සිහිපත් කරමි.”