ඩොලරයට සාපේක්ෂව රුපියල දිගින් දිගටම අවප්‍රමාණය වීම පාලනය කර ගැනීමට සිය රජය අසමත් වී ඇති බවත් පරිසර අමාත්‍ය මහින්ද අමරවීර මහතා පවසනවා.
මෙම අසමත් බව අවංකවම පිළිගත යුතු බවයි අමරවීර මහතා පවසන්නේ.
අර්බුද රැසකට හේතුව රුපියල අවප්‍රමාණය වීම හා ඩොලර් නොමැති වීම බවත් කුමන ආකාරයේ ප්‍රකාශ සිදු කළද මෙම අර්බුදය සමනය කර ගැනීමට රජය අපොහොසත් වූ බවත් අමාත්‍යවරයා පෙන්වා දෙනවා.
ආසන්න වශයෙන් රුපියල් බිලියන 17,200 ක් පමණ විදේශ ණය තිබෙන බවත් පසුගිය කාලයේදී ගත් ණය සහ ඉදිරියේදී ගැනීමට නියමිත ණයද එකතු වූ විට එම අගය තවත් සැළකිය යුතු ප්‍රමාණයකින් ඉහළ යන බවත් පෙන්වා දෙන පරිසර අමාත්‍යවරයා වැඩිදුරටත් පවසන්නේ මෙරට ජනතාවගේ ඒක පුද්ගල ණය ප්‍රමාණය ලක්ෂ 08 ඉක්මවා යාමට ආසන්න වී ඇති බවයි.
1977 වසරින් පසුව බලයේ සිටි සියලු නායකයන් මෙම තත්වයට වගකිව යුතු බවත්, ඔවුන් රටේ ආර්ථිකය ශක්තිමත් කිරීම වෙනුවට සිදුකළේ රටේ ජනතාවට උගසට තබා දිගින් දිගටම ණය ලබා ගැනීම බවත් අමරවීර මහතා පවසනවා.
