28 C
Colombo
Friday, May 20, 2022

ආණ්ඩුවේ මානව හිමිකම් – හක්කේ බුදුරැස් – බොක්කේ දඩමස් !

- Advertisement -

එක්සත් ජාතීන්ගේ 76 වැනි මහාමණ්ඩල සැසිවාරය අමතමින් ජනාධිපති ගෝඨාභය රාජපක්ෂ පැවැත්වූ කතාවේ කොටසක් පහත පරිදි ය.
“ශ්‍රී ලංකාවේ පාර්ලිමේන්තුව, අධිකරණය සහ එහි ඇති ස්වාධීන ව්‍යවස්ථාපිත ආයතනවලට තම කාර්යයන් හා වගකීම් ඉටු කිරීම සඳහා සීමාරහිත අවකාශයක් තිබිය යුතු ය.”

ජාත්‍යන්තරයට එසේ කියා, එකී ස්වාධීන යැ යි කියාගන්නා ව්‍යවස්ථාපිත ආයතන බළල් අත් බවට පත් කරගනිමින් ජනතාව මර්දනය කරන ආකාරය ලැජ්ජාසහගතය.

කොතලාවල පණත

ශ්‍රී ලංකා පොදුජන පෙරමුණ මහමැතිවරණයෙන් ලැබූ බහුතර බලයට මුවාවෙමින් මෙරට පීඩාකාරී අණපණත් කිහිපයක් සම්මත කරගත් අතර කොතලාවල ආරක්ෂක විශ්වවිද්‍යාල පණත් කෙටුම්පතද එවැන්නකි. නැගී ආ සංවිධිත ජනතා විරෝධය හමුවේ එය තාවකාලිකව හෝ හකුළාගන්නට ආණ්ඩුවට සිදු විය. එහිදී ආණ්ඩුව අමනෝඥ ලෙස එකී විරෝධය මැඩලන්නට කළ කටයුතු නිසාවෙන් කාලයක් තිස්සේ වැඩෙමින් තිබූ ගුරු වැටුප් ප්‍රශ්නයද කරළියට පැමිණ ආණ්ඩුවට හිසරදයක් වන මට්ටමට පැමිණ තිබේ.

මර්දනයේ වෙනත් මාන

මුලින් මෙම ජනතා සටන්හි පෙරමුණේ සිටි නායකකාරකාදීන් මර්දනය කිරීම සඳහා ආණ්ඩුව යොදාගත්තේ කොරෝනා මැඩලීම වෙනුවෙන් යොදාගන්නා ලද අණපණත් ය. ඒ කෙරෙහි ජාත්‍යන්තරව පවා එල්ල වූ විරෝධය හමුවේ මර්දනය වෙනත් මානයකින් වේදිකාගත කරන්නට ආණ්ඩුව ක්‍රියාකොට තිබේ. ඒ ජනතා හිතසුව පිණිස ගෙනා පණත් පොලිසිය හරහා අවභාවිතා කරමිනි.

කොතලාවල ආරක්ෂක විශ්වවිද්‍යාල පණතට එරෙහිව විරෝධතාවයේ යෙදුණු පෙරටුගාමී සමාජවාදී පක්ෂයේ පරිපාලන ලේකම් චමීර කොස්වත්ත සහ එම පක්ෂ සාමාජිකාවක වන කෝෂිලා හංසමාලි පොලිසිය විසින් අත්අඩංගුවට ගනු ලැබුවේ අගෝස්තු මස 3 වැනි දා රාත්‍රීයේදී ය. අන්තර්විශ්වවිද්‍යාල ශිෂ්‍ය බල මණ්ඩලයේ කැඳවුම්කරු වසන්ත මුදලිගේ සහ ජයවර්ධනපුර විශ්වවිද්‍යාලයේ මහා ශිෂ්‍ය සංගමයේ සභාපති අමිල සංදීප් යන දෙදෙනා අගෝස්තු මස 6 වැනි දා අත්අඩංගුවට ගනු ලැබීය. මේ දක්වා ඔවුන් පසුවන්නේ රක්ෂිත බන්ධනාගාරගතව ය. ඒ අනුව දින 50ක පමණ කාලයක් ඔවුන් පසුවන්නේ රක්ෂිත බන්ධනාගාරයේ ය. යහතින් සිටියදී බන්ධනාගාරයට ඇද දමනු ලැබූ මේ පිරිසට එහිදී කොවිඩ් ආසාදනය වූ අතර ජීවිත අනතුරේ හෙළනු ලැබීය.

ඇප නෑ

දැනගැනීමට ඇති පරිදි, අවස්ථා දෙකකදී මහේස්ත්‍රාත්වරයා උසාවි නොපැමිණ ඇති අතර වැඩබලන මහේස්ත්‍රාත්වරයා නඩුව කල් දැමීම සිදු කර තිබේ. පසුව මහාධිකරණයෙන් කළ ඇප ඉල්ලීමද නීතිපති දෙපාර්තමේන්තුවේ කරුණු දැක්වීම හමුවේ ප්‍රතික්ෂේප වී තිබේ.

කැරැල්ලක්, යුදමය වටපිටාවක් හෝ හදිසි තත්වයක් රටේ නැති තත්වයක් යටතේ මේ පිරිස මෙතරම් කලක් බන්ධනාගාරගත කර තිබෙන්නේ කෙලෙස ද? 1982 අංක 12 දරණ පොදු දේපණ පණත යටතේ වරදක් කළ බවට චෝදනා කරමින් ඔවුන් අත්අඩංගුවට ගෙන තිබේ. උක්ත පණතට අනුව රුපියල් 5000කට නොවැඩි විෂය වස්තුවක් දේපළ වූ විට නඩු විභාගය අවසන් වන තුරු ඇප නොදී රක්ෂිත බන්ධනාගාරයේ තැබිය හැකිය. අත්අඩංගුවට පත් පිරිසට පොලිසිය නගා ඇති චෝදනාව වන්නේ කාඩ්බෝඩ් පෙට්ටියක් පිළිස්සීම නිසා තාර පාරට රු. 179000කට ආසන්න වටිනාකමකින් යුත් හානියක් සිදුව ඇති බවයි. පොදු දේපණ පණත අනුව ඇප ලැබිය හැක්කේ විත්ති පාර්ශ්වයෙන් – ආසාමාන්‍ය හේතු- දැක්වීමක් කළ විට ඒ අනුව ය. දිගුකාලීන ස්වසන රෝගීන් දෙදෙනෙකු ද ඇතුළත් මේ පිරිස කෙරෙහි අසාමාන්‍ය හේතුවක් ලෙස ස්වසන ආබාධ මරණීය වන කොවිඩ් වසංගත තත්වය කරුණක් ලෙස පිළිනොගැනීම විස්මයදනවන සුළු ය.

අසමාන ලෙස සැලකීම

ශ්‍රී ලංකා පොදුජන පෙරමුණ පාලන බලය ලබා ගත් දිනේ සිට – එහි සාමාජිකයන් සහ හිතවතුන්ගේ නඩු බොහොමයක් තාක්ෂණික ඈ විවිධ හේතු දක්වමින් නීතිපති දෙපාර්තමේන්තුවෙන් ඉවත් කරගත් අවස්ථා ගණනාවකි. ඒ අල්ලස් කොමිසම විසින් පවරනු ලැබූ නඩු සියයකට ආසන්න ගණනක් දේශපාලන පළිගැනීම් ලෙස අර්ථ දක්වමින් විසිවී යන පසුබිමක ය.

නීතිපති ඉවත් කරගත් නඩුකර

මාලබේ කල්වාරි කිතුණු මධ්‍යස්ථානයට පහරදීම පිළිබඳව ගලගොඩඅත්තේ ඥානසාර හිමිට එරෙහිව පවරා තිබූ නඩුව ඉවත් කැර ගැනිණ. තරුණයන් 11 දෙනෙක් පැහැරගෙන ගොස් අතුරුදන් කිරීම සම්බන්ධ නඩුවේදී එවක නාවුක හමුදාපති වසන්ත කරන්නාගොඩට නඩු පැවරීම නොකරන්නට තීරණය කෙරිණ. බැසිල් රාජපක්ෂ වත්මන් ආමත්‍යවරයාට එරෙහිව සාවද්‍ය මුදල් පරිහරණයක් සම්බන්ධයෙන් පවරා තිබූ නඩුව ඉවත් කැර ගත් තව නඩුවකි. ඒ දිවි නැගුම නම් ව්‍යාපෘතියේ ජනතා මුදල් දේශපාලන ව්‍යාපෘතියක් වෙනුවෙන් යෙදවීම සම්බන්ධ චෝදනාවකට පැවරූ නඩුවකි.

පොදු දේපළ පණත යටතේ චෝදනා ලත් ගෝඨාභය


මේ අතර විශේෂිත නඩුවක් නම් පාලක රාජපක්ෂවරුන්ගේ පියා වන ඩී.ඒ. රාජපක්ෂ කෞතුකාගාරය ඉදිකිරීමට රජයේ මුදල් ලක්ෂ 900ක් සාවද්‍ය ලෙස පරිහරණය කළේ යැ යි වත්මන් ජනපති ගෝඨාභය රාජපක්ෂට එරෙහිව පැවරුණු නඩුවයි. එහෙත් ඒසා විසල් මුදල් චෝදනාවක් ලද්දේ වුවත් ඔහු එවක අත්අඩංගුවට පත් වීමෙන් වළකාලන්නැයි අභියාචනාධිකරණයෙන් අතුරු තහනම් නියෝගයක් ලබා ගනිමින් අත්අඩංගුවට පත් වීමෙන් පවා මිදුණේ ය. කෙසේ වෙතත් පසුකාලීනව උක්ත මුදල් ගෙවා දැමීම කරණ කොටගෙන ඔහු නිදොස් කොට නිදහස් කරන්නට අධිකරණය තීන්දු කළේ ය.

මේ බොහෝ සිද්ධි සහ පෙරටුගාමී ක්‍රියාකාරිකයන් දින 50ක් දක්වා රක්ෂිත බන්ධනාගාරගත කර ඇති සිද්ධිය සංසන්දනය කර බැලීමේදී නීතියේ සමානව සැලකීම සම්බන්ධයෙන් පැන නගින්නේ කුකුසකි. අධිකරණ දෙකකින් වරදකරු වූ ජනපති හිතවතා මරණ දණ්ඩනයෙන් නිදහස් කර ජනතා වැටුප් ගන්නා තනතුරකට පත් කිරීම ලෝක ගර්හාවට පත් වූයේද නොබෝදා ය. එහෙත් ලෝකයා ඉදිරියේ හක්කෙන් බුදුරැස් විහිදුවන ආණ්ඩුවේ බොක්කේ තිබෙන්නේ දඩමස් බව මේ කරුණු ලෙහෙසියෙන් ලොවට පෙන්වා දෙයි.

– සඳුන් ප්‍රියංකර විතානගේ –

RECENT ARTICLES - SINHALA

මනූෂට හා හරීන්ට විනය පරීක්ෂණ

අද (20) දිනයේ අමාත්‍ය ධූර භාර ගත් මනූෂ නානායක්කාරට සහ හරීන් ප්‍රනාන්දු යන අයට එරෙහිව විනය ක්‍රියාමාර්ග ගන්නා බව සමගි ජන බලවේගයේ...

ඇමතිවරු 9ක් දිවුරුම් දෙයි – හරීන්, මනූෂටත් ඇමතිකම්

කැබිනට් අමාත්‍යවරු කිහිප දෙනෙකු අද පෙරවරුවේ ජනාධිපති ගෝඨාභය රාජපක්ෂ ඉදිරියේදී දිවුරුම් දුන්නා.ඒ අනුව දිවුරුම්දුන් අමාත්‍යවරුන් පහතින්,* නිමල් සිරිපාල ද සිල්වා - වරාය,...

බේරේ වැව අසලදී පහරකෑ පුද්ගලයෙක් මරුට

පසුගිය මැයි 9වනදා ඇතිවූ සිදුවීමේදී පහරකෑමට ලක්වී ප්‍රතිකාර ලබමින් සිටි පුද්ගලයෙක් මියගොස් තිබෙනවා. මෙලෙස මියගොස් ඇත්තේ කොල්ලුපිටිය පෙරහැර මාවත...

RECENT ARTICLES - ENGLISH

Senior DIG Deshabandu Tennakoon assaulted

0
Senior DIG in charge of the Western Province Deshabandu Tennakoon was assaulted by a group on Tuesday (10) afternoon.

President declares State of Emergency

0
President Gotabaya Rajapaksa has declared a state of emergency with effect from midnight today, President’s Media Division informed. The...

Yoshitha to Sue AKD

0
Yoshitha Rajapaksa, the Chief of Prime Minister's Staff said that he would file law suit against the claims made by JVP Leader...