සියලු දෙනාගේම අනන්යතාවයන්වලට ගරු කරන ජනතාවට සාමයෙන් ජීවත් වියහැකි යුක්තිසහගත නවආණ්ඩුක්රම ව්යවස්ථාවක් සකස් කිරීමට සිය පූර්ණ සහාය පළකරන්නේ යැයි දෙමළ ජාතික සන්ධානය නිවේදනයක් නිකුත් කරමින් පවසයි.
රටේ අනාගතය සමෘද්ධිමත් වන්නේ රටට තිරසාර දේශපාලන විසඳුමක් ලැබුණහොත් පමණක් යැයි ද එවැනි විසඳුමක් ලංකා ඉතිහාසයේ හැරවුම් ලක්ෂයක් වනු ඇතැයි ද එහි නායක ආර්.සම්බන්ධන් මහතාගේ අස්සනින් නිකුත් කර ඇති එම නිවේදනයේ සඳහන් වේ.
නව ආණ්ඩුක්රම ව්යවස්ථාව ජාතික ගැටලුවට විසඳුමක් නොවන එකක් වුවහොත් එය කිසිලෙසකින් අපේක්ෂා කරන සාමය සෞභාග්ය උදා නොකරනු ඇතැයි ද රටටත් ජනතාවටත් යහපතක් නොකරනු ඇතැයි ද දෙමළ ජාතික සන්ධානය පවසයි.
විශේෂයෙන්ම ආණ්ඩුව බුද්ධිමත්ව කටයුතු නොකළහොත් ජාත්යන්තර තලයේදී ව්යසනකාරී අත්දැකීමකට මුහුණ දෙන්නට ශ්රී ලංකාවට සිදුවනු ඇතැයි ද දෙමළ ජාතික සන්ධානය එම නිවේදනයේ වැඩිදුරටත් සඳහන් කර ඇත.