දිවයින පුරා විවිධ ප්‍රදේශයන්හී කෘෂි නිෂ්පාදනවලට හා වගාබිම්වලට රිලවුන්, වඳුරන්, ඉත්තෑවුන්, වල්ඌරන්, මොනරුන්, දඩුලේනුන් වැනි සතුන්ගෙන් අතිවිශාල හානියක් සිදුවන බැවින් එකී සතුන්ගෙන් සිදුවන හානි හා හිරිහැර අවම කරගැනීම සදහා ක්‍රමවේදයන් පිළිබදව සාකච්ඡාවක් පසුගිය පළවෙනිදා වනජීවී හා වනසංරක්ෂණ අමාත්‍යාංශයේ පවත්වා තිබෙනවා.
එම සාකච්ඡාවේදී තීරණය වී ඇත්තේ වඳුරන්, රිලවුන් වැනි සතුන් කූඩු කර අල්ලා රක්ෂිත වනාන්තර හා දූපත්වල පිහිට රක්ෂිතයන්ට මුදාහැරීමටත් හැකි සෑම අවස්ථාවකදීම එම සතුන්ව වන්ධීකරණයට ලක්කිරීමටයි.
සතුන් ගහණය බහුල ස්ථානයන්හී රිලවුන්, වඳුරන්, වල් ඌරන් වැනි සතුන් වෙත ආහාර සමඟ මුසුකොට උපත් පාලන ඖෂධ වර්ග ලබාදී උපත් ගහණය අඩු කිරීමට මෙහිදී තීරණය වී තිබෙනවා.
මෙම සාකච්ඡාවට කෘෂිකර්ම අමාත්‍ය මහින්දානන්ද අලුත්ගමගේ මහතාද සහභාගී වුණා.
