මේ වන විට රට මුහුණ දී තිබෙන ආර්ථික අර්බුදයට මුවා වී, ආර්ථිකය පණගැන්වීමේ මුවාවෙන් සමස්ත සෞඛ්‍ය සේවයම පෞද්ගලීකරණය කිරීමට රජය කුමන්ත්‍රණය කරමින් සිටින බවට රජයේ වෛද්‍ය නිළධාරීන්ගේ සංගමය චෝදනා කරනවා.
එබැවින්, රජය ගන්නා එවැනි ඕනෑම ක්‍රියාමාර්ගයකට එරෙහිව ඒකාබද්ධ වෘත්තීය ක්‍රියාමාර්ග ගැනීමට තම සංගමයේ මධ්‍යම කාරක සභාව රැස්වූ විට තීරණය කළ බවයි මාධ්‍ය වෙත අදහස් දක්වමින් එම සංගයේ ලේකම් සෙනාල් ප්‍රනාන්දු පවසන්නේ.
මේ වන විටත් සෞඛ්‍ය සේවය දැවැන්ත ලෙස බිද වැටී ඇති බවත් එම සංගමය අවධාරණය කර සිටිනවා.
“රජය හිතාමතාම රටේ සෞඛ්‍ය පද්ධතිය කඩාවැටීමට ලක් කර තිබෙනවා,” යැයි ඔහු වැඩිදුරටත් පවසනවා.
