ග්‍රෑන්ඩ් හයාට් ව්‍යාපාතියේ අක්‍රමිකතා සොයාබැලීමට කමිටුවක්

ග්‍රෑන්ඩ් හයට් ව්‍යාපෘතියේ අක්‍රමිකතා පිළිබඳව සොයා බැලීමට කමිටුවක් පත් කර ඇති බව කැබිනට් තීරණ දැනුම්දීමේ ප්‍රවෘත්ති සාකච්ඡාවේදී අමාත්‍ය උදය ගම්මන්පිල මහතා නිවේදනය කළා.
ග්‍රෑන්ඩ් හයට් හෝටල් ව්‍යාපෘතිය මහින්ද රාජපක්ෂ රජය යටතේ දියත් කරන ලද අතර එය ක්‍රියාත්මක කරනු ලැබුවේ ශ්‍රී ලංකා රක්ෂණ සංස්ථාව, සේවක අර්ථසාධක අරමුදල සහ ලිට්‍රෝ ගෑස් ලංකා සමාගමේ අනුබද්ධිත සමාගමක් වන චීන ලංකා (පුද්ගලික) සමාගම විසිනි.
ඉදිකිරීම් අවසන් වීමෙන් පසු 2016 පළමු කාර්තුවේදී විවෘතවීමට නියමිතව තිබුණි.
කෙසේ වෙතත්, පසුගිය රාජපක්ෂ රජය විසින් අත්සන් කරන ලද බොහෝ ගිවිසුම් 2015 ජනාධිපතිවරණයෙන් පසුව පත් කරන ලද චීන ලංකා (පුද්) සමාගමේ නව අධ්‍යක්ෂ මණ්ඩලය විසින් අවසන් කරන ලද බවයි අමාත්‍යවරයා එහිදී සදහන් කළේ.
සාධාරණ හේතුවක් නොමැතිව ග්‍රෑන්ඩ් හයට් ව්‍යාපෘතිය ද අවලංගු කරන ලද බවත් නව කොන්ත්‍රාත්කරුවන් සමඟ ගිවිසුම් අත්සන් කරන තිබූ බවත් අමාත්‍යවරයා සදහන් කළා.