ඉන්දීය නාවික හමුදාව මාර්තු මස 10වනදා සිට ඉන්දීය සාගර කලාපයේ ආරක්ෂක කටයුතු වෙනුවෙන් දැවැන්ත සබ්මැරීනයක් දියත් කිරීමට සැලසුම් කර තිබේ.
කරන්ජ් නම් මීටර් හැටක් පමණ දිග මෙම සබ්මැරීනය, නාවිකයන් 39 දෙනෙකුට එකදිගට දින සියයකට වැඩි කාලයක් සම්පූර්ණයෙන්ම මුහුදයට ගත කිරීමට හැකිවන පරිදි නිෂ්පාදනය කර තිබීම විශේෂත්වයක් බව සදහන් වේ.
කල්වාරි ව්‍යාපෘතිය යටතතේ නවීන තාක්ෂණික සබ්බැරීන් හයක් ඉන්දියානු සාගර කලාපයේ ආරක්ෂාව වෙනුවෙන් මුදාහැරීමේ ව්‍යාපෘතියක තුන්වන අදියර ලෙස මෙම සබ්මැරීනය දියත් කෙරෙන බව ඉන්දීය මාධ්‍ය වාර්තා කර තිබේ.
මින් පෙර දියත් කළ සබ්මැරීන් දෙක නිෂ්පාදනය කිරීමේදී විදෙස් තාක්ෂණික සහය ලබාගෙන ඇතත් කරන්ජ් සබ්මැරීනය සම්පූර්ණයෙන්ම ඉන්දියානු නිෂ්පාදනයක් බව ඉන්දීය මාධ්‍ය වාර්තා වැඩිදුරටත් සදහන් කර තිබේ.
