අනුරාධපුර ශික්ෂණ රෝහලේ වෛද්‍යවරියක් දූෂණය කිරීමේ සිදුවීමේ සැකකරු පදිංචිව සිටි නිවසේ තිබී ජීව අත්බෝම්බයක් සොයාගෙන තිබෙනවා.
ගල්නෑව පොලීසිය හා පොලිස් විශේෂ කාර්ය බළාකාය එක්ව අද (14) පෙරවරුවේ සැකකරු පදිංචිව සිටි ගල්නෑව ප්‍රදේශයේ පිහිටි නිවස පරීක්ෂා කිරීමේ දී මෙය හමුව ඇති බවයි වාර්තා වෙන්නේ.
සැකකරු වෛද්‍යවරියගෙන් රැගෙන ගිය ජංගම දුරකතනය සෙවීම සඳහා පොලිසිය ගල්නෑව ප්‍රදේශයේ පිහිටි ඔහුගේ නිවස පරීක්ෂා කර තිබුණා.
අත්අඩංගුවට ගත් සැකකරු ඊයේ අනුරාධපුර ප්‍රධාන මහෙස්ත්‍රාත් අධිකරණයට ඉදිරිපත් කළ අතර, එහිදී පැය 48ක් රඳවා තබා ගනිමින් ප්‍රශ්න කිරීමට පොලීසියට අවසර හිමිවුණා.
ඒ අනුව, එම සැකකරු මේ වන විට රැඳවුම් නියෝග මත රඳවාගෙන ප්‍රශ්න කරමින් සිටිනවා.
