මෙම ජනාධිපතිවරනයේදී ජනතාවට සිය ඡන්දය භාවිත කරන ලෙස ඉල්ලා මැතිවරණ කොමිසමේ හිටපු සභාපති මහින්ද දේශප්‍රිය මහතා ඒ වෙනුවෙන් සකස් කරන ලද අත්පත්‍රිකා බෙදා දී තිබෙනවා.
ඒ අද (18) අම්බලන්ගොඩ දුම්රිය නැවතුම්පොලේදීයි.
මැතිවරණ රාජකාරී කළ හිටපු ඉහල නිලධාරියෙකු මෙලෙස ඡන්දය පාවිච්චි කරන ලෙස ජනතාවගෙන් ඉල්ලා අත් පතිකා ජනතාවට බෙදූ පළමු අවස්ථාව මෙයයි.
මැතිවරණයකදී සිය ඡන්දය පාවිච්චි කිරීම ජනතා අයිතියක් බවත් මෙම ඡන්ද අයිතිය පැහැර හැරීම නොකළ යුත්තක් බවත් මැතිවරණ කොමිසන් සභාවේ හිටපු සභාපති මහින්ද දේශපිය මහතා පවසනවා.
ඔහු පවසන්නේ, එබැවින් ජනතාවට තමන්ගේ ඡන්දය පාවිච්චි කිරීමේ අයිතිය පෙන්වාදීමේ අරමුණින් මිස මෙය මෙවර ජනාධිපතිවරණයේදී පත්කළ යුත්තේ කවුරුන්ද යන්න පිළිබදව කරන ලද ඉල්ලීමක් නොවන බව තමාගේ මේ ක්‍රියාවේ ඒකායන අරමුණ බවයි.
