27 C
Colombo
Monday, May 23, 2022

අස්වැන්න අඩු උනාට ඩොලර් ඉතුරුයි..! – ඇමති SM

- Advertisement -

කාබනික පොහොර භාවිතය ගේතුවෙන් අස්වැන්න පොදුවේ 25-30%ක් පමණ අඩු වූ නමුත් පොහොර ආනයනය සඳහා වැයවන විශාල ඩොලර් ප්‍රමාණයක් ඉතිරි වීම හේතුවෙන් සැලකිය යුතු පාඩුවක් සිදු වී නැතැයි සිතිය හැකි බව ඉඩම් අමාත්‍යය එස්.එම් චන්ද්‍රසේන මහතා පවසනවා.

ඒ, අනුරාධපුර මහඉලුප්පල්ලම ප්‍රදේශයේදී “රන් බිමට පණ දෙන ඉඩම් ප්‍රථිසංස්කරණ කොමිෂන් සභාවේ උතුරු මැද පළාත් කාබනික පොහොර ව්‍යාපෘතිය ” දෙවන අදියර සමාරම්භක අවස්ථාවට ඒක් වෙමින්.

එහිදී උත්සව සභාව ඇමතූ අමාත්‍යය එස්.එම් චන්ද්‍රසේන මහතා,

“අතිගරු ජනාධිපතිතුමන්ගේ සෞභාග්‍යයේ ඉදිරි දැක්ම වැඩසටහන යටතේ කාබනික පොහොර වැඩසටහන පටන් ගන්න කොට අපි ඉතාම දුෂ්කරතා මධ්‍යයේ පටන් ගත්තේ, කාබනික පොහොර සහ රසායනික පොහොර හුවමාරුවේදී ගොවි ජනතාව විශාල වශයෙන් කලබල වුණා.

ඒ වගේම යම්කිසි පිරිසක් මේ වැඩසටහන නවත්වන්න නොයෙකුත් උපක්‍රම යෙදුවා.අපි දන්නවා මේක අමාරු වැඩක්, අවුරුදු 60 කට වැඩි කාලයක් රසායනික පොහොර වලට හුරු වෙලා හිටිය ගොවි ජනතාව කාබනික පොහොර භාවිතයට යොමු කිරීම තුළ යම් යම් ප්‍රශ්න පැන නගිනවා කියලා අපි දන්නවා. ජනාධිපතිතුමන් බොහෝම සද්භාවයෙන් පටන් ගත්තේ මේ වැඩසටහන. වකුගඩු රෝගීන්, පිළිකා රෝගීන් හා හඳුනා නොගත් රෝගවලට ලක් වූවන් විශාල ප්‍රමාණයක් වැඩි වන නිසා වෛද්‍යවරුන් හා පරිසරවේදීන් ඇතුළු මේ රටේ විද්වතුන් මේ සඳහා ජනාධිපතිතුමන් උනන්දු කෙරෙව්වා.

නමුත් අපි කියන්න කණගාටුයි මේ වැඩසටහනට ප්‍රමුඛතාවය දුන්න, උනන්දු කරවූ අය මේ වැඩසටහනින් මඟඇරියා.නමුත් මේ රජරට ගොවි ජනතාවගේ යහපත සඳහා උඩුගම් බලා යනවා වගේ මම මේ සටනට මැදිහත් වුණා.

අපේ ගොවි ජනතාවට රසායනික පොහොර වල අවශ්‍යතාවය වගේම කාබනික පොහොර වැඩසටහන පිළිබඳවත් උනන්දුවක් දක්වනවා. ඒ නිසා, ජනාධිපතිතුමන් තීරණයක් ගත්තේ අත්‍යවශ්‍යය දේ වලට රසායනික පොහොර ලබා දෙන්න.තේ, පොල්,රබර් හා බඩ ඉරිඟු වලට රසායනික පොහොර අත්‍යවශ්‍යයි. ඒ සඳහා ඒ අවසරය ලබා දී තිබෙනවා.කාබනික පොහොර හා රසායනික පොහොර අවශ්‍යය භෝග වලට ඒ සඳහා යම්කිසි ප්‍රමාණයක් පාවිච්චි කරන්නත් අවස්ථාව ලැබිලා තියෙනවා.

මේ මාස් කන්නය ගත්තම කාබනික පොහොර හා රසායනික පොහොර හුවමාරුවේදී ගොවි ජනතාවගේ අස්වැන්න සියයට 25 ක්,සියයට 30 ක් පොදුවේ ගත්තම අඩු වෙලා තියෙනවා.නමුත් විදේශ වලින් රසායනික පොහොර ගෙනාවා නම් අපිට විශාල ඩොලර් ප්‍රමාණයක් ඒ සඳහා වැය වෙනවා. මේ ඩොලර් හිඟයක් තියෙන වෙලාවේදී, ඒ අස්වැන්න අඩු වීම හා ඩොලර් පාවිච්චිය අතර බැලුවම ලොකු පාඩුවක් නැති වෙලා තියෙනවා.මේ වැඩපිළිවෙලේදී ගොවි ජනතාවට යම් පාඩුවක්, අස්වැන්නේ අඩුවක් සිදු වෙලා තියෙනවා නම් ඒක පිරිමහන්න වී මිල ජනාධිපතිතුමා වැඩි කරලා තියෙනවා.

ජනාධිපතිතුමා අවුරුදු 02 කට කලින් බලයට එන කොට වී කිලෝ එකක් තිබුණේ රුපියල් 32 කට, රුපියල් 32 කට තිබ්බ වී එතුමා 52 ක් කළා.වැඩි මිලක් ගොවි ජනතාවට ලබා දුන්නා. මේ වන කොට යම්කිසි පාඩුවක් වුණා නම් ඒක පිරිමහන්න පුලුවන් විදිහට වී මිල දැන් වැඩි කරලා තියෙනවා. නාඩු කිලෝවක් රුපියල් 92 කටත්, සම්බා කිලෝවක් 95 කටත්, කීරී සම්බා 97 යි කියලා රජය සහතික මිලක් ලබා දීලා තියෙනවා. අද සහතික මිලටත් එහා ගිහින් රුපියල් 100 ට -105 ට වී කිලෝවක් ගන්න පුද්ගලික අංශය යොමු වෙලා තියෙනවා.

කවුරු පෙලපාලී ගියත්, කෑ ගැහුවත්, ගොවිජනතාවට සහනයක් ලබා දෙන්න අපි කටයුතු කරලා තියෙනවා.ඒ වගේම සෑම හෙක්ටයාරයකටම රුපියල් 50,000 කට යටත්ව වන්දි මුදලක් ලබා දෙන්නත් මිලියන 40,000 ක වගේ විශාල මුදලක් කැබිනට් මණ්ඩලය අනුමත කරලා තියෙනවා. රසායනික පොහොර භාවිතයේ උච්චම අවස්ථාවට අපේ රට පත් වුණා.පොහොර භාවිතය වැඩි වුණා.පොළවේ නිසරු ගතිය නැති වුණා, අපිට හිතකර කෘමීන් නැති වුණා. ගැඩවිල, කක්කුට්ටා වගේ සතුන් නැති වුණා.ජෛව පද්ධතියට මේක විශාල හානියක් වුණා. නමුත් යම් යම් ප්‍රමාණයකට මේකට ගොවි ජනතාව අවතීරණ වීම ලොකු ජයග්‍රහණයක්.”

මෙම අවස්ථාවට ඉඩම් ප්‍රතිසංස්කරණ කොමිෂන් සභාවේ සභාපති හිටපු විධායක අධ්‍යක්ෂ දිසානායක මහතා, ඉඩම් ප්‍රතිසංස්කරණ කොමිෂන් සභාවේ අධ්‍යක්ෂ ජෙනරාල් පද්මසිරි ලියනගේ මහතා, නේචර් සීක්‍රට් පුද්ගලික සමාගමේ අධ්‍යක්ෂ සමුදිත කුමාරසිංහ මහතාද සහභාගී විය.

RECENT ARTICLES - SINHALA

පවති අර්බුදකාරී වාතාවරණයෙන් ගොඩ ගතහැකි සාධනීය පියවර 15ක් – ට්‍රාන්ස්පේරන්සි ඉන්ටනැෂනල් ශ්‍රී ලංකා ආයතනය

රටක් වශයෙන් විදෙස් ණය ගෙවීම තාවකාලිකව අත්හිටුවා ඇති පසුබිමක, දිනෙන් දින ආර්ථික හා දේශපාලන අර්බුදය තව තවත් වර්ධනය වන්නාවූ වටපිටාවක මෙම තත්ත්වයෙන්...

විදුලිය කපන්නෙ නැහැ කියලා දේශපාලඥයෝ කියන්නේ බොරු – මහජන උපයෝගීතා කොමිසම

විදුලිය විසන්ධි නොකරන බවට ඇතැම් දේශපාලඥයින් පවසන කරුණු පදනම් විරහිත අසත්‍ය ප්‍රකාශ බව මහජන උපයෝගීතා කොමිෂන් සභාව පවසනවා. අද...

මම කවදාවත් ජනාධිපතිතුමාව නාවලා නැහැ – ඥාණක්කා

0
තමන් ජනාධිපති ගෝඨාභය රාජපක්ෂ මහතාව කිසිදු දිනෙක නහවා නොමැති බව අනුරාධපුරයේ සුප්‍රසිද්ධ චරිතයක් වන ඥාණක්කා පවසනවා. ඒ සන්ඩේ ටයිම්ස්...

RECENT ARTICLES - ENGLISH

Senior DIG Deshabandu Tennakoon assaulted

0
Senior DIG in charge of the Western Province Deshabandu Tennakoon was assaulted by a group on Tuesday (10) afternoon.

President declares State of Emergency

0
President Gotabaya Rajapaksa has declared a state of emergency with effect from midnight today, President’s Media Division informed. The...

Yoshitha to Sue AKD

0
Yoshitha Rajapaksa, the Chief of Prime Minister's Staff said that he would file law suit against the claims made by JVP Leader...