මෙරට සෞඛ්ය සේවාවේ ඉදිරි සියලු කටයුතු දේශපාලන අධිකාරියේ කැමැත්තට නොව අමාත්යාංශයේ ස්ථීරසාර සැලසුමකට අනුව සිදු විය යුතු බව සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා පවසනවා.
අමාත්යවරයා මේ බව පැවසුවේ පසුගියදා නාරාහේන්පිට ජාතික රුධිර පාරවිලයන මධ්යස්ථානයේ පැවති විශේෂ සමුළුවට එක්වෙමින්.
සෞඛ්ය සේවාවේ ගුණාත්මක පරිවර්තනයකට ප්රාථමික සෞඛ්ය සේවාව ඉහළ නැංවීම සඳහා සම්පූර්ණ බලය යෙදවිය යුතු බවත් ඔහු මෙහිදී සඳහන් කළා.
අමාත්යවරයා පවසාන්නේ, පළාත් සභා සහ මධ්යම ආණ්ඩුව මට්ටමෙන් ක්රියාත්මක සියලු ව්යාපෘති ඒකාබද්ධව මෙහෙය විය හැකි ව්යාපෘති කළමනාකරණ ඒකකයක් ස්ථාපිත කිරිමට අවධානය යොමු කරන බවයි.
එමෙන්ම ඖෂධ සම්බන්ධ ප්රධාන ආයතන 04ක් ජනතාවට ගුණාත්මක සහ තත්ත්වයෙන් උසස් ඖෂධ අඛණ්ඩව සැපයීම පිළිබඳ ව වගකීම භාරගත යුතු බවත් දැනට ක්රියාත්මක රෝහල් කමිටු විසුරුවා හැර නව රෝහල් කමිටු පත් කිරීමට පියවර ගත යුතු බවත් ඔහු එහිදී කියා සිටියා.
පහසුකම් සහිත නවීකරණය කරන ලද විද්යාගාරයක් ඉදිරි වසර 05 තුළ ඉදි කිරීමට රජය සැලසුම් කර තිබෙන බවත් නලින්ද ජයතිස්ස මහතා වැඩිදුරටත් පැවසුවා.
