අදත් සීමා සහිතව ඉන්ධන නිකුත් කෙරෙන්නේ අයි.ඕ.සී. සමාගමේ පිරවුම්හල් සඳහා පමණයි.
ඒ අනුව, යතුරු පැදිවලට රුපියල් 1500 සීමාවකුත් ත්රිරෝද රථවලට රුපියල් 2500 ක් හා මෝටර් රථවලට රු. 7000 ක යන සීමාවන්ට යටත්වයි.
මේ අතර, ඉන්ධන නෞකාවක් පිළිබඳ තවමත් තොරතුරක් නොමැති නමුත් ජනතාව ටෝකන් ඇතිව හෝ නැතිව ඉන්ධන පෝලිමේ සිටින්නේ දින ගණනක සිටයි.
ඊයේ රාත්රිය දක්වා ත්රිකුණාමලය ලංකා අයි.ඕ.සී. සමාගමෙන් ඉන්ධන බෙදා හැරීම සිදු කෙරිණ පෙට්රල් සහ ඩීසල් බවුසර් 56 ක් පමණ ඊයේ රාත්රිය වන විට නිකුත් කර තිබූ බවයි වාර්තා වන්නේ.
මේ අතර කටාර් රාජ්යයේ සංචාරයක නිරත විදුලි බල හා බලශක්ති අමාත්ය කංචන විජේසේකර මහතා ඊයේ එරට බලශක්ති කටයුතු පිළිබඳ රාජ්ය අමාත්ය සාද් ෂෙරීදා අල් කාබි මහතා හමුව තිබෙනවා.
ට්විටර් පණිවිඩයක් නිකුත්කරමින් අමාත්යවරයා කියා සිටියේ ශ්රී ලංකාවේ බලශක්ති අර්බුදය විසඳා ගැනීම සඳහා ඛනිජතෙල් නිෂ්පාදන, එල්. පී. ජී. හා එල්.එන්.ජී ගෑස් සම්පාදනය කිරීම පිළිබඳව සාකච්ඡා කළ බවයි.
කටාර් සංවර්ධන අරමුදලේ සහාය ලබා ගැනීම පිළිබඳවත් එහිදී සාකච්ඡා කර තිබෙනවා. කටාර් රාජ්යයේ බලශක්ති කටයුතු පිළිබඳ රාජ්ය අමාත්යවරයා කටාර් එනර්ජි සමාගමේ සභාපති හා ප්රධාන විධායක නිලධාරියා ද වනවා.