32 C
Colombo
Friday, March 29, 2024

‘පුවත්පත් මණ්ඩලය අහෝසි කළයුතු හේතු මෙන්න’ – නිදහස් මාධ්‍ය ව්‍යාපාරය

- Advertisement -

පුවත්පත් මණ්ඩලය අහෝසි කළ යුතු යැයි රජයට බල කරන බව නිදහස් මාධ්‍ය ව්‍යාපාරය නිවේදනයක් නිකුත් කරමින් පවසයි.

ශ්‍රී ලංකා පුවත්පත් මණ්ඩලය ව්‍යුහාත්මක ලෙස ප්‍රතිසංස්කරණය කර විනිශ්චයාතනයක් ලෙසින් ක්‍රියාත්මක කිරීමට අපේක්ෂා කරන්නේ යැයි ජනමාධ්‍ය අමාත්‍යාංශයේ ලේකම්වරයා දැන්වීමක් පළකිරීම පදනම් කරගෙන නිදහස් මාධ්‍ය ව්‍යාපාරය මෙම විරෝධය පළ කර ඇත.

සිය සංවිධානයේ එකඟතාව ඇත්තේ ජනමාධ්‍ය ප්‍රජාවේ මැදිහත්වීමෙන් සැකැසෙන මාධ්‍ය නියාමන ක්‍රමවේදයකට පමණක් යැයි කියමින් පුවත්පත් මණ්ඩලයේ අහිතකර නීතිමය ප්‍රතිපාදන පෙන්වා දෙමින් මෙම නිවේදනය පල කර තිබේ.

එසේ දක්වා ඇති කරුණු කීපයක් මෙසේය.

1.පුවත්පත් මණ්ඩලය ජනාධිපතිවරයාගේ පරම අභිමතය ක්‍රියාත්මක වන තැනක් වීම.

2.මණ්ඩලයේ සාමාජික වැටුප් ජනමාධ්‍ය ඇමැතිවරයා තීරණය කිරීමෙන් එහි ස්වාධීනත්වයට හානි පැමිණවීම.

3.හත් දෙනකුගෙන් යුත් මණ්ඩලයේ දෙදෙනකු පමණක් පුවත්පත් ක්‍ෂේත්‍රය නියෝජනය කිරීමත් අවශ්‍ය නම් එම දෙදෙනා නොමැතිව වුවත් තීන්දු ගත හැකි වීම.

4.අමාත්‍ය මණ්ඩලයේ රැස්වීම් පිළිබඳ තොරතුරු අමාත්‍ය මණ්ඩල ලේකම්ගේ අවසරයක් නොමැතිව පල කිරීම වරදක් ලෙස තීන්දු ගත හැකිවීමෙන් ජනතාවට තොරතුරු දැනගැනීමට ඇති අයිතිය උදුරාගැනීම.

5.පුවත්පත් මණ්ඩල නියෝග අවසානාත්මක ඒවා ලෙසින් සැලකීමෙන් එහි අනීතික පියවර කිසිදු අධිකරණයක අභියෝගයට ලක්කළ නොහැකිවීම.

6.මණ්ඩලයට අපහාස කිරීම සම්බන්ධයෙන් අභියාචනාධිකරණයේ විභාග වන නඩුවකදී මණ්ඩලයේ සභාපතිවරයා ඉදිරිපත් කරන සහතිකය කිසිදු වාද කිරීමකින් තොරව පිළිගැනීම හා එයට එරෙහිව සිවිල් හෝ අපරාධ නඩු පැවරීමේ හැකියාවක් නොවීම.

7.ආචාර ධර්ම සංග්‍රහ සැකැසීමේදී පුවත්පත් ක්‍ෂේත්‍රයේ අදහස් නොවිමසීම.

8.පනතේ 15 වැනි වගන්තියෙන් සාපරාධී පළකිරීම් ලෙස හඳුන්වාදීමක් කර ලඝු නඩු විභාගයකින් දඩ මුදලක් හා වසර දෙකක සිර දඬුවමක් නියම කිරීමේ පියවර හඳුන්වාදීම් මගින් මාධ්‍යවේදීන් ආණ්ඩුවේ මර්දනයට ලක්කිරීමට ඉඩකඩ නිර්මාණය කරගැනීම.

RECENT ARTICLES - SINHALA

ශ්‍රී පාද වන්දනාවේ ගිය විදේශිකයෙක් ප්‍රපාතයකට වැටිලා

රත්නපුර - ශ්‍රී පාද මාර්ගයේ ඇහැලකණුව ප්‍රදේශයේදී ආරක්ෂිත වැටෙන් මිටර් 100ක පමණ ප්‍රපාතයට විදෙස් ජාතිකයෙක් ඇද වැටී තිබෙනවා. ඉන්දීය ජාතිකයෙකු වූ අදාළ විදේශිකයා පසුව...

අනුරාධපුර බන්ධනාගාරයේ සිරකරුවන් දෙන්නෙක් පැනල ගිහින්

අනුරාධපුර බන්ධනාගාරයේ එළිමහන් සිරකඳවුරෙහි මහජනතාවට විවෘත කර ඇති ආපනශාලාවේ සේවය කළ සිරකරුවන් දෙදෙනෙකු අද (29) දහවල් එම ස්ථානයෙන් පළා ගොස් තිබෙනවා. බන්ධනාගාර ආරංචි මාර්ග පවසන්නේ...

P.H.I ඝාතන විමර්ශන CIDයට

ඇල්පිටිය ප්‍රදේශයේදී PHI නිලධාරියෙකු වෙඩිතබා ඝාතනය කිරීම සම්බන්ධයෙන් යම් යම් තොරතුරු ලැබෙමින් පවතින බව පොලීසිය පවසනවා. නියෝජ්‍ය පොලිස්පති, පොලිස් මාධ්‍ය ප්‍රකාශක නීතිඥ නිහාල් තල්දූව...

POPULAR ARTICLES

කංචන පොහොට්ටු රැස්විමේ යකා නටලා

ශ්‍රී ලංකා පොදු ජන පෙරමුණේ විධායක සභා රැස්වීමේදී අමාත්‍ය කංචන විජේසේකර මහතා සහ හිටපු ජනාධිපති ගෝඨාභය රාජපක්ෂ මහතාගේ උපදේශකයෙකු වූ එරන්ද ගිනිගේ මහතා අතර...

අද ඩොලරය

ශ්‍රී ලංකා මහ බැංකුව විසින් අද (26) දින නිකුත් කරන ලද දෛනික විනිමය අනුපාතික සටහනට අනුව එක්සත් ජනපද ඩොලරයක ගැනුම් මිල රු. 297.63ක් ලෙස...

කෙහෙළියට අධිකරණය දුන් නියෝගය

ව්‍යාජ එන්නත් සිද්ධියට අත්අඩංගුවට ගෙන රක්ෂිත බන්ධනාගාර ගත කර සිටින හිටපු අමාත්‍ය කෙහෙළිය රඹුක්වැල්ල මහතා ඇතුළු සැකකරුවන් 9 දෙනා අප්‍රේල් මස 08 වනදා දක්වා...