සංවිධානාත්මක අපරාධකරුවන් සහ මූල්‍ය වංචාවලට සම්බන්ධ පුද්ගලයින් 88 දෙනෙකුගේ වත්කම් තහනම් කර තිබෙනවා.
පොලිසිය සඳහන් කලේ ඒ අතර සංවිධානාත්මක අපරාධ සහ මත්ද්‍රව්‍ය සම්බන්ධයෙන් චෝදනා ලැබු 26 දෙනෙකුද සිටින බවයි
සෙසු පුද්ගලයින්ගේ වත්කම් තහනම් කර ඇත්තේ මුදල් විශුද්ධිකරණ පනත යටතේ ගැනෙන චෝදනා හේතුවෙන්.
ඉඩම් ,නිවාස,බැංකු ගිණුම්,වාහන,ස්වර්ණාභරන හා ව්‍යාපාරික ස්ථාන මෙන්ම කුඔුරු ඉඩම් ඒ තහනම් කල දේපල අතරට ඇතුලත් වනවා.
මේ අතර ජයසිංහ ආරච්චිගේ හේමන්ත නොහොත් බතල හීං මහත්තයා නැමැති මත්ද්‍රව්‍ය ජාවාරම්කරුගේ බිරිඳට අයත් දේපල තහනම් කිරිමට අධිකරණ නියෝග ලබා ගෙන තිබෙනවා.
ඒ අනුව මිද්දෙනිය පොලිස් ස්ථානය අසල පිහිටි රුපියල් ලක්ෂ 150ක් වටිනා කාමර දෙකක් සහිත ගොඩනැගිල්ලක් ඇතුලු දේපල තහනම් කර තිබෙන්නේ මුදල් විශුද්ධිකරණ පනත යටතේ අධිකරණ නියෝග මතයි.
මේවන විට රක්ෂිත බන්ධනාගාර ගතව සිටින බතල හීං මහත්තයා නැමැති සැකකරු නිතිවිරෝධි ලෙස ඉපැයු ඔහුගේ බිරිඳගේ නමට ගෙන තිබු ඇඹිලිපිටිය රෝහල ඉදිරිපිට පිහිටි රුපියල් කෝටි තුනක් වටිනා ඖෂධ අලවි සැලක් හා ඇඹිලිපිටිය චන්ද්‍රිකාවැව අසල පිහිටි හෝටලයක්ද මීට පෙර අධිකරණ නියෝගයක් මත තහනම් කෙරුණා.
