අධික වර්ෂාවත් සමග මහා පරිමාණ ජලාශ 11 මේ වනවිට වාන් දමමින් පවතින බව, වාරිමාර්ග දෙපාර්තමේන්තුව පවසනවා.
කලාවැව, රාජාංගනය නාච්චාදූව අංගමුව ඇතුළු ජලාශ රැසක් ඒ අතරට ඇතුළත්.
මීට අමතරව සුළු පරිමාණ ජලාශ 8 ක් ද වාර්ෂවත් සමග වාන් දමමින් පවතිනවා.
අද (01) පෙරවරු 8.30 න් අවසන් වූ ගෙවුණු පැය 24 තුළ දිවයිනේ වැඩිම වර්ෂාපතනය වාර්තා වූයේ අම්පාර මහඔය ප්රදේශයෙන්.
එය මිලිමීටර් 109.5 ක්.
මේ අතර නැගෙනහිර සහ ඌව පළාත්වලටත් මාතලේ ,නුවර එළිය සහ හම්බන්තොට දිස්ත්රික්කවල ඇතැම් ස්ථානවලටත් අද දිනයේ මිලි මීටර් 100 ට වැඩි තද වැසි ඇතිවිය හැකි බව කාලගුණ විද්යා දෙපාර්තමේන්තුව පවසනවා.
එම දෙපාර්තමේන්තුව සඳහන් කළේ, බස්නාහිර සහ සබරගමුව පළාත්වලත් ගාල්ල දිස්ත්රික්කයේත් ඇතැම් ස්ථානවලට මිලි මීටර් 75 ට වැඩි තරමක තද වැසි ඇතිවිය හැකි බවයි.
උතුරු ,නැගෙනහිර උතුරු මැද වයඹ සහ දකුණු පළාත්වල විටින් විට පැයට කිලෝ මීටර් 30 ත් 40 ත් දක්වා තරමක තද සුළං ද ඇතිවිය හැකි බව කාලගුණ අනාවැකියේ සඳහන්.
බස්නාහිර සබරගමුව සහ මධ්යම පළාත්වල ඇතැම් ස්ථානවල උදෑසන කාලයේ මීදුම් තත්ත්වයක්ද ඇතිවිය හැකි බව කාලගුණ විද්යා දෙපාර්තමේන්තුව ප්රකාශ කළා.
