හික්කඩුව පොලිස් ස්ථානය තුළ සාමය කඩ කරමින් හැසිරීම හේතුවෙන් පිරිසක් අත්අඩංගුවට ගෙන තිබෙනවා.
වැලිගම මුහුදු තිරයේ දී බෝට්ටුවකට පහර දී අනර්ථයක් සිදු කිරීම සම්බන්ධයෙන් හික්කඩුව පොලීසියට ලද පැමිණිල්ලක් විභාග කිරීම සඳහා ඊයේ (05) අදාළ පාර්ශවයන් පොලිස් ස්ථානයට කැඳවා තිබුණා.
එහිදී දෙපර්ශයෙන් පැමිණි පිරිස් පොලිස් ස්ථානය තුළ කලහකාරී ලෙස හැසිරී ඇති බවයි වාර්තා වන්නේ.
පොලීසිය සඳහන් කළේ මෙහිදී පිරිමි පුද්ගලයින් 19 දෙනෙක් සහ කාන්තාවක් 5දෙනෙක් පොලීසිය විසින් අත්අඩංගුවට ගෙන ඇති බවයි.
අත්අඩංගුවට ගත් එක් පුද්ගලයෙකු සතුව තිබී ත්‍රිරෝද රථයේ තිබී කඩුවක් සහ උල් පිහියක් ද සොයාගෙන තිබෙනවා.
අත්අඩංගුවට ගත් සැකකරුවන් අවුරුදු 24ත් 50ත් අතර වයස්වල පසුවන රත්ගම සහ දොඩන්දූව යන ප්‍රදේශවල පදිංචිකරුවන් බවයි වාර්තා වන්නේ.
සැකකරුවන් සියළු දෙනා අද (06) ගාල්ල මහේස්ත්‍රාත් අධිකරණය වෙත ඉදිරිපත් කිරීමට නියමිතයි.
හික්කඩුව පොලීසිය වැඩිදුර විමර්ශන සිදුකරනු ලබනවා.
