හිරු TV නාලිකාවෙන් සංවිධානය කළ ‘හිරු Star’ රියැලටි ගායන තරඟාවලිය පසුගියදා අවසන් වුණා.
ජනතාවගේ සංවේදී අවස්ථාවක් වන අවමගුල් උත්සවයකටත්, ජීවිතයේ වැදගත්ම දිනයක් වන විවාහ උත්සවයටත් පුද්ගල සහභාගීත්වය රජය විසින් ඉතාමත් අවම කර තිබෙන අවස්ථාවක මෙම තරඟය නැරඹීම සදහා විශාල පිරිසක් සහභාගී කර තිබුණා.
එහි උච්චස්ථානය වූයේ තරඟයේ ජයග්‍රාහකයා රැගත් රිය පෙරහැරක් බෙන්තොට නගරයේ සිට ඔහුගේ ගම් ප්‍රදේශය වන අහුංගල්ලට රැගෙන යාමයි.
එම අවස්ථාවට විශාල පිරිසක් සහභාගීවී සිටි අතර මුඛ ආවරණයක් හෝ නොපැලද සිටි ජයග්‍රාහකයා මග දෙපස සිටි පිරිසට අතට අත දෙන ආකාරයද දක්නට ලැබුණා.
සාමාන්‍ය ජනතාවට ජනතාව එක්රැස්කිරීමට හෝ ආගමික කටයුත්තක් සදහා ජනතාව එක්රැස්කිරීමට අවස්ථාවක් නොලැබෙන රජයේ දැඩි තීන්දු තීරණ මෙවැනි කටයුතු සදහා බලනොපාන්නේ කෙලෙසදැයි සමාජ මාධ්‍ය තුළ දැඩි කතාබහක් ඇතිව තිබෙනවා.
ඇතැම් පාර්ශව පෙන්වා දී ඇත්තේ තමන් වසර ගණනාවක් දුක්විද ලබාගත් උපාධි සහතිකය හෝ උත්සවාකාරයෙන් ගැනීමට ඇති අවස්ථාව පාලකයන් විසින් අහිමිකර ඇති රටක ධනය බලය ඇති මාධ්‍ය ආයතනවලට මෙලෙස හැසිරීමට පොලීසිය මෙන්ම සෞඛ්‍ය අංශද ඉඩකඩ ලබාදීම පුදුම සහගත බවයි.
‘එක් රටක් එක් නීතියක්’ සංකල්පය ක්‍රියාත්මක වන්නේ පුද්ගලානුබද්ධව මිස රටක් වශයෙන් නොවන බවට මේ සම්බන්දව ඇතැම් පාර්ශව අදහස් පලකර තිබුණා.
ඊට අදාල දර්ශන පහතින්,
https://www.facebook.com/watch/?v=1513722575493388
