ලොව ප්‍රමුඛ පෙළේ වාහන නිෂ්පාදන සමාගම් තුනක් වන Honda, Nissan සහ Mitsubishi 2026 වසර වන විට සිය සමාගම් සියල්ල ඒකාබද්ධ කරමින් හවුල් සමාගමක් ලෙස පරිවර්තනය වීම සඳහා සාකච්ඡා ආරම්භ කර ඇති බව විදෙස් මාධ්‍ය වාර්තා කරනවා.
චීන සමාගම් සමඟ පවතින තරඟකාරීත්වය හමුවේ විකිණුම් පහත වැටී ඇති පසුබිමක ඔවුන් මෙම තීරණය සලකා බලමින් සිටිනවා.
හොන්ඩා සහ නිසාන් මේ වන විටත් ඒකාබද්ධ ව්‍යාපාරයක් සඳහා සිය එකඟතාවය පළ කර ඇති අතර ජනවාරි මස අග භාගයේදී මිට්සුබිශි සමාගමද මේ සම්බන්ධයෙන් තීරණය ප්‍රකාශයට පත් කිරීමට නියමිතයි.
මෙම සමාගම් ඒකාද්ධ කිරීමත් සමඟ එය, වාර්ෂික විකුණුම් අනුව ටොයොටා සහ වොක්ස් වැගන් සමාගම්වලට පමණක් පිටුපසින් සිටින ලොව තුන්වන විශාලතම මෝටර් රථ නිෂ්පාදකයා බවට පත්වනු ඇති.
