හොංකොංහි ක්‍රියාත්මක ප්‍රජාතන්ත්‍රවාදී පාලන රටාව වෙනස් කරන බවට චීනයට යළිත් වතාවක් චෝදනා එල්ල වී තිබේ.
මෙසේ චෝදනා එල්ල වී ඇත්තේ ටියෙන්මාන් චතුරස්‍රයේ 1989 දී සිදුවූ මහා ඝාතනයේදී විපතට පත්වූවන් සැමරීම සදහා ඉදිකර ඇති කෞතුකාගාරයට කඩා වැද එහි කටයුතු අවුල් කිරීමට හොංකොං බලධාරීන් කටයුතු කිරීමත් සමගයි.
ප්‍රජාතන්ත්‍රවාදී ප්‍රතිසංස්කරණ ඉල්ලා චීනයේ ටියන්මාන් චත්‍රරස්‍රයේ විරෝධතාවයක යෙදී සිටි පිරිස 1989 අප්‍රේල් මාසයේදී දරුණු මර්දනයකට ලක් කළ අතර එහිදී සිය ගණනක් ඝාතනයට ලක්වූහ.
එය සැමරීම සදහා හොංකොංහි ඉදිකර ඇති කෞතුකාගාරයට කඩා වැදී එය පරීක්ෂා කළ හොංකොං බලධාරීහු එය වසා දැමීමට ද කටයුතු කළහ.
හොංකොං බලධාරීන් මෙම ක්‍රියාවන් සිදුකරන්නේ චීනයේ අවශ්‍යතා මත බවත් මේ වනවිට හොංකොංහි ක්‍රියාත්මක ආරක්ෂක නීතිය හරහා විරුද්ධ මත දරන්නන් දරුණු මර්දනයකට ගොදුරු කරගන්නා බවත් ප්‍රජාතන්ත්‍රවාදී ක්‍රියාකාරීහු වැඩිදුරටත් චෝදනා නගති.
