ත්‍රිකුණාමල දිස්ත්‍රික්කයේ සේරුනුවර පොලිස් වසමට අයත් තංගනගර් ප්‍රදේශයේ සිදුවූ රිය අනතුරකින් වෛද්‍යවරයෙකු මිය ගොස් තිබෙනවා.
සිදු වූ අනතුරෙන් තවත් අයෙක් බරපතළ තුවාල ලබා තිබුණා.
ඉන්ධන රැගෙන මඩකලපුවට දෙසට ධාවනය වූ බවුසර් රථයක් සහ වෛද්‍යවරයා ගමන් ගත් ත්‍රීරෝද ර‍යක් එකිනෙකට ගැටී මෙම අනතුර සිදුවී ඇති බවයි සඳහන් වෙන්නේ.
එහිදී ත්‍රිරෝද රථයේ ගමන් කළ 59 හැවිරිදි වෛද්‍යවරයා මෙලෙස මිය ගොස් තිබෙනවා.
ත්‍රිරෝද රථ රියදුරු බරපතළ තුවාල ලබා පළමුව මුතූර් රෝහලට ඇතුළත් කර පසුව වැඩිදුර ප්‍රතිකාර සඳහා ත්‍රිකුණාමලය මහ රෝහලට මාරු කර යවා තිබෙනවා.
මියගිය වෛද්‍යවරයාගේ දේහය දැනට සේරුනුවර රෝහලේ තබා ඇති අතර සිද්ධිය සම්බන්ධයෙන් සේරුනුවර පොලීසිය වැඩිදුර පරීක්ෂණ පවත්වනු ලබනවා.
