තමාව රාජ්‍ය අමාත්‍ය ධුරයෙන් නෙරපා හැරියේ බුද්ධි අංශ මගින් ජනාධිපතිවරයාට ලබාදුන් වාර්තාවක් පදනම් කර ගනිමින් බවට ජානක තිසකුට්ටි ආරච්චි මන්ත්‍රීවරයා සිදුකළ ප්‍රකාශය සම්බන්ධයෙන් වහාම පරීක්ෂණයක් සිදුකළ යුතු බව හිටපු අමාත්‍ය සුසිල් ප්‍රේම්ජයන්ත මහතා පවසනවා.
එම ප්‍රකාශය ඉතා බරපතල බවයි ඔහු සඳහන් කරන්නේ.
ඒ, ඊයේ (06) අධිකරණ කටයුත්තක් සඳහා පැමිණි අවස්ථාවේදී මාධ්‍ය වෙත අදහස් දක්වමින්,
බුද්ධි අංශ සොයා ගන්නා තොරතුරු, පළමුවරට පාර්ලිමේන්තු පැමිණි, පාර්ලිමේන්තුවේ ස්ථාවර නියෝග හෝ ආණ්ඩු ක්‍රම ව්‍යවස්ථාව පිළිබඳව හෝ හරිහැටි අවබෝධ්‍යක් නොමැති තිසකුට්ටි ආරච්චි මහතා වැනි පුද්ගලයෙකුට ලැබුණේ කෙසේද යන්න බරපතල ගැටලුවක් බවත් සුසිල් ප්‍රේම්ජයන්ත මහතා පවසනවා.
